V. Ko te Kororiatanga o tf [sic] Hahi o Inu Karaiti.

"A, ka rongo a hau i te reo nui i te rangi e mea ana, Na, ko te tapenakara o Te Atua kei nga tangata, a e noho tahi ana ia me ratou, a ko ratou hei iwi mona, a ko Te Atua ano hei a ratou, hei Atua ano mo ratou."—Whakakitenga 21. 3.

Me i pai te Karaiti kua whakakitea mai e ia te tini o nga mea e ngaro ana ki te tangata, ina, "kei a ia e huna ana nga taonga katoa o te maharatanga, o te matauranga." Korohe 2. 3. Ahakoa, rapu te tangata e kore e kitea katoatia nga mea e ia, "E matau ana tatou ki tetahi wahi anake—ka kite nei hoki tatou ki te whakaatu e tua pouri ana." 1 Koriniti 13. 9, 12.—Heoi ra, kahore te Karaiti i haere mai ki te penei, otira "I haere mai te Tama a te tangata ki te rapu ki te whakaora i te mea mahue." Ruka 19. 10. I mua hoki, "ka mea atu tetahi ki a ia, e te Ariki, he torutoru koia te hunga e whakaorangia ana? ka mea atu ia ki a ratou, tohea putia kia tomo atu ma te kuwaha kuiti, ka page 29 mea atu hoki ahau ki a koutou, ne tokomaha te hunga e rapu kia tomo atu, a, ekore e ahei," Ruka 13. 23, 24. Waihoki, ko te mea nui ia mo tatou, ko o tatou Wairua ano kia ora, kauaka te rapunga o era atu mea.—E rangi "matua rapu i te rangatiratanga o Te Atua me tona tikanga." Matiu 6. 23. Otira, e matau ana tatou, kahore i torutoru nga tangata mo te oranga tonutanga. Kahore, he mano tini ra. Ina ta Paora ki nga Hiperu 12. 23. "Ko te huihuinga nui, ko te hahi o nga tamariki matamua." Me tenei hoki "He mano tini e kore nei e taea e tetahi te tatau." Whakakitenga 7. 9. Haunga ano nga tangata whakapono onamata, no mua atu i a Noa, no muri hoki i a ia, tae noa ki a Aperahama—ki a Rawiri—ki a Ihu Karaiti ano hoki. Otira kua mano tini i muri mai i te matenga o te Karaiti.—Kote tangata, e kore e ki e i te tokomahatanga o nga tamariki a te Atua. Ahakoa, torutoru ki tana titiro, e kitea ana ano, e Te Atua, te tokomaha. "Mo te mea hoki kei runga i te hunga tika nga kanohi o te Ariki." I Pita 3. 12. "Oti, kahore koutou i matau ki te korero o te karaipiture ki a Iraia? ki tana inoinga ki te Atua ki te kino mo Iharaira, e mea ana, E te Ariki, kua patu ratou i ou poropiti, kua whakahoroa ou ata, ko ahau anake i mahue, a ka rapu nei ano hoki ki toku wairua. Kahore, e pehea mai ana ki a ia te ki tapu? E whitu mano tangata, kua waiho e ahau moku, te hunga kahore nei i piko te turi ki a Peara." Roma 11. 2. Heoi, ka matau tatou e whakanuia, e whakakororiatia te hahi, no te mea,