Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

3. Kua whakawhanautia houtia o ratou ngakau

3. Kua whakawhanautia houtia o ratou ngakau.

No to ratou whakaponotanga ki a Ihu Karaiti, i riro mai ai ki a ratou, te Wairua Tapu. Nana i whakaatu te murunga o a ratou hara ki te ngakau. No reira hoki ka hanga houtia te ngakau. A "ki te mea kei roto i a te Karaiti tetahi, he mahinga hou ia; kua pahure nga mea tawhito; kua whakahoutia nga mea katoa." 2 Koriniti 5. 17. Mo te mea hoki "E kore e ahei te kikokiko, te toto, te whiwhi ki te rangatiratanga o Te Atua." 1 Koriniti 15. 50. "Ko te whakaaro ki te kikokiko he mate, ko te whakaaro ki te Wairua, he oranga, he marietanga." Roma 8. 6. Mo konei ra "ki te kahore te tangata te whakawhanautia houtia e kore ia e ahei te kite i te rangatiratanga o te Atua." Hoani 3. 3. No ratou ka whiwhi ki te ngakau hou, ka rite i a ratou ta Roma 6. 4. "Mete Karaiti hoki i whakaarahia ake i te mate, e te kororia o te Matua, waihoki ko tatou kia haere i te houtanga o te oranga—kia rite ai i a tatou te tikanga o te ture, i a tatou e kore e haere ki te ritenga o te kikokiko, otiia ki to te Wairua." Roma 8. 4. Na konei hoki ratou ka tohe tonu ai ki nga mea pai katoa, kua pai te rakau, ka reka ana hua. He mea whakatupu haere hoki ia—"no te kororia kake atu ki te kororia." 2 Koriniti 3. 18. "Ka tautotohe ahau ki nga mea o mua, ka aru atu ahau ki te tohu ki te taonga o to te Atua karangatanga i runga, i roto i a Karaiti Ihu." Piripai 3. 13, 14. "Kia tae ra ano tatou katoa i te kotahitanga o te whakapono, o te matauranga hoki ki te Tamaiti o Te Atua, ki te tino tangata, ki te ritenga o te kaumatuatanga o te kinga o te Karaiti." Epeha 4. 13.

Na, koia tenei, ko te ahua o nga tangata o Ihu Ka- page 28 raiti, ara, o taná hahi tapu. Ahakoa, te rite te [unclear: tokomak] e kite nei tatou, ko nga kanohi o te Atua e tau iho ana ki runga ki ona tangata. A, ko te tangata kua eke [unclear: n] tona ngakau ki runga ki te matenga o to tatou Ariki, ekore tona ngakau e tatu ki runga ki nga mea memeha noa o tenei ao. E kore ia e tino whakaaro ki nga mea o te whenua, e ngari nga mea o runga. A, no te mea kua mea te Karaiti kia noho huihui ona tangata motu ke i nga ritenga maori o te ao, (Tirohia Hiperu 10. 25.) Ka rapu ia ki tetahi hahi kia tomokia e ia. Ko te hahi e piri ai ai tona aroha, nona pea, no te minita i oro kowhakapono ai ia ki te Atua. Ko te hahi ranei e tu tata ana ki a ia. He haere tika hoki tana haerenga ki runga i te huarahi kua oti te whakatakoto, e Te Atua. A "ka tomo atu, ka tomo mai ano, ka kite i te kai," Hoani 10. 9. Kia penei tonu ano ia, a—tae noa atu ki taua "Hiruharama i runga, e rangatira ana, ko te matua o tatou katoa." Karatia 4. 26.