2. Kua murua a ratou hara

Na konei ra te Karaiti i haere mai ai, "Kia whakamatauria ai tona hunga ki te oranga i te murunga o a ratou hara." Ruka 1. 77. A "Kia kauwhautia te ripenetanga, me te murunga hara i tona ingoa, ki nga tau iwi katoa." Ruka 24. 27. Ae ra hoki. "E korero ana nga poropiti katoa ki a ia, ma tona ingoa ko te tangata katoa e whakapono ana ki a ia, ka whiwhi ai ki te murunga hara." Nga Mahi 10. 43. Na, ko te Atua anake e ahei te muru i nga hara a te tangata. Heoi, ko te tino Atua ra ia a Ihu Karaiti. Na konei ra "he kaha ta te Tama a te tangata i te whenua, kia muru i te hara." Matiu 9. 6. "Kia mohio ra koutou, e hoa ma, na tenei tangata i kauwhautia ai ki a koutou te murunga hara." Nga Mahi 13. 38. E tau iho ana hoki te riri a te Atua, i mua, ki runga i tona hunga "rite tonu ki era atu." Epeha 2. 3. Kahore o ratou oranga i reira, mo te mea, Koia e kore e whakapono ki te Ta- page 26 maiti e kore e kite i te oranga; otiia, ka mau tonu te riri a te Atua ki a ia." Hoani 3. 36. Tena ko tenei, kua whiwhi ratou ki te Wairua o te tamarikitanga. E whakaae ana hoki te Wairua Tapu ki o ratou wairua, he tamariki ratou no te Atua. Tirohia Roma 8. 16—Na konei ratou ka hari ai, "kahore hoki he riringa mo te hunga i roto i a Karaiti Ihu, mo te hunga e kore e haere ki te ritenga o te kikokiko, otira, ki to te Wairua." Roma 8. 1. Me te tangata e tukua ana ki waho o te whare pouri i herea ai ia, i tata ai ia ki te mate, e hari ana, waihoki, ko nga tamariki a te Atua, e hari ana, mo te mea, "Nana tatou i whakaora i te kaha o te pouritanga, a kua kawea ketia ki te rangatiratanga o tana a maiti aroha." Korohe 1. 13. E ki ana o ratou ngakau "Ki te haringa katoa, ki te marietanga o te whakapono." Roma 15. 13. Me ta te Karaiti hoki i mea, "Ka hari to koutou ngakau, a, ekore e tangohia i a koutou to koutou haringa e te tangata." Hoani 16. 22. Kei ta Pita hoki "E hari ana koutou ki te hari whakakororia e kore e taea te korero." 1 Pita 1. 8. Koia hoki ta Paora i mea ai, "Ko tatou te kotinga e karakia nei ki te Atua i te Wairua, e hari ana ano ki a Karaiti Ihu, a, ekore e whakaaro ki te kikokiko." Piripai 3. 3. Koia ra, e te whanau, he mea whakahari te tino whakapono, ki te Atua. He "taonga nui ano ia hui tahi me te ngakau tatu." 1 Timoti 6. 6. E kore hoki tenei haringa e taea te whakakahore e te tangata, "Ma wai koia tatou ka motu ke ai i te aroha o te Karaiti? E mea pu ana ano ahau ekore e ahei te mate, e kore ano hoki te ora, e kore nga anahera, e kore nga rangatira, e kore nga kaha, e kore nga mea e kite nei tatou, e kore nga mea meake nei kitea, e kore ano hoki te tiketike, e kore te hohonu, e kore ano hoki tetahi atu o nga mea hanga e ahei te mea, kia motu ke tatou i te aroha o Te Atua i roto i a Karaiti Ihu to tatou Ariki." Roma 8. 35, 37, 38. Kei mea tetahi tangata, e kore tenei haringa o te murunga hara e riro i a ia.—Engari "kia pono Te Atua, ko te tangata katoa ia kia teka." Roma 3. 4. Kia rongo mai koutou ki ta te ka- page 27 raipiture, "Ki te whaki tatou i a tatou hara, e pono ana ia, e tika ana, kia murua a tatou hara, a kia horoia tatou i te kino katoa. Mo te mea, kahore tatou i waiho e te Atua mo te riri, otira kia whiwhi ki te oranga i ahu mai i to tatou Ariki i a Ihu Karaiti." 1 Hoani 1. 9. 1 Teharonika 5. 9.