He Korero mo te Tau.

Ko te tikanga tenei mo nga korero o te Tau. Kotahi tekaumarua marama i roto i te tau kotahi, engari ko nga marama i rite tonu; ko nga ra, i rere ke, ina hoki, ko Hepetema, ko Aperira, ko Hune, ko Nowema, e toru tekau nga ra o ratou katoa. No Pepuere, e rua tekau ma waru anake; ko etahi atu marama e toru tekau ma tahi nga ra. Engari, ko te ritenga ki nga ra o Pepuere, kia wha nga tau, ka tahi ano ka tae ki te rua tekau ma iwa nga ra. No te mea he koata te ra o Pepuere i te tau kotahi, te rua o nga tau, kua hawhe te ra, te toru o nga tau, ka titaha te ra, te wha o nga tau, ka to te ra, katahi ka rite ki te ra tuturu. Katahi hoki ka tae ki te rua tekau ma iwa nga ra o Pepuere. Ko te ingoa huihui tenei mo aua tau e wha, mo nga ra hoki o Pepuere, he Ripia. Ko te tikanga tenei o te Ripia, me he mea 1848 tau, me, wehewehe ki te 4, kia kitea ai nga toenga. Ki te mea, ka kore he toenga o aua tau, he Ripia tena tau; ki te mea ka whai toenga, ehara tena i te Ripia; me pena tonu he tikanga mo nga tau katoa, me wahi tonu ki te 4, ahakoa puta atu ki etahi atu tau ka pena tonu, ka wehewehe tonu i nga tau katoa.

Ko te tikanga mo te mahi o te Whika. Ki te hiahia koe ki te rapu i nga mea malia i roto i te mea kotahi, ma nga mea malia e kimi atu ki roto ki te mea kotahi. Ahakoa, e rua nga mea maha, me mahi ano ki nga mea nui e rua, ahakoa moni, taonga ranei, me titiro ano ia ki te tauira, ma ena e whakaatu mai te tikanga o te mahi.