The Pamphlet Collection of Sir Robert Stout: Volume 63
Upoko 9
Upoko 9.
Ano ka ki atu a Hopa, ka mea,
2 Ko ia ra hoki tena; otira, kia pehea ka tika ai te tangata i te aroaro o te Atua?
page 103 Ka whakawa mai ia ekore e taea te mea atu, he teka tetahi o aku hara i te mano.
4 Ka matau tona ugakau, he kaha nui tona kaha; ko to wai whakaaro te puta, ina pakeke ki aia?
5 Ka nekehia e ia nga maunga, a, te kite ratou; ka hurihia ratou i tona riri.
6 Ka nekehia e ia te whenua i tona wahi, a, ngaue noa ana ona tunga.
7 Ka mea ano ia ki te ra, na, ekore e ao; ka hiritia eia nga whetu.
8 Ka horahia eia te rangi, ka haere hoki ia i runga i nga ngaru o te moana.
9 Ka hanga eia a Aketura, a Oraiona, me Matariki, me nga wahi o te tonga.
10 Ka meinga e ia nga mea nunui ekore e taea te rapu, me nga mea whakamiharo, e kore e taea te tatau.
11 Na, ka pahure tata ia i a hau, a, te kite ahau i aia: ka haere atu ia, otira, ekore au e kite.
12 Ka tangohia eia, a, ma wai ia e riri? kowai kia mea atu ki a ia, He aha tau e mea?
13 Ekore te Atua e whakamutu i tana riri, ka piko iho i aia nga hoa whaka pehapeha.
14 A, me pehea toku korero atu ki a ia, kia komiritia tetahi maku kupu hei tohe ki a ia?
15 Ahakoa tika ahau, ekore au e ahei te tohe ki aia, me inoi kau raia ahau ki toku kai whakawa.
16 Mei karanga ahau, a, kua homai ia ki ahau, na, ekore au e whakapono kua rongo mai ia ki toku reo.
17 Ka whatiia ahau e ia ki te awha, ka mea noa ano ia i oku tuunga kia maha.
18 Ekore ia e pai kia hoki toku manawa, otira, ka whakakiia ahau ki te kawa.
19 Ka korero ahau i te kaha, na, ka kaha ia: ki te whakawa ranei, na, ma wai e tuku tetahi taima kia korerorero ai?
20 Ki te mea ahau he tika toku, na, ma toku mangai ake ka kitea ai aku he; ka mea ahau e pakari ana, na, ka kitea taku tohe.
21 Ki te mea ahau kua pakari au, na, he te matau ano noku ki toku wairua; ka whakakino ahau ki toku oranga.
22 ¶ He mea kotahi tenei, koia i korerotia ai e ahau; e whakakahoretia ana e ia te hunga pakari me te hunga kino.
23 Ki te mea ka pa whakarere te whiu, ka kata ia ki te whakawakanga o te hunga harakore.
24 Kua tukua te whenua ki te ringaringa o te hunga kino: ka hipokina e ia nga kanohi o nga kaiwhakawa o te whenua; ki te kahore, na, keihea ia, a, kowai ia?
25 E puta atu ana te horo o oku ra i to te karere horo; ka hemo ra, ekore e kite i te pai.
26 Kua pahure, ano he kai- page 11 puke tere, ano he kahu, e rere ana ki tana kai.
27 Ka mea ahau kia wareware ahau ki toku mamae, kia whakarerea toku pouri, kia whakamarie i a au ano;
28 Ka mataku ahau ki aku pouri katoa, ka matau ahau ekore ahau e meinga ekoe he tangata tika.
29 Ka kino ahau, a, he aha ka mahi noa ai ahau?
30 Ki te mea ka horoi au i a au ano ki te wai o te hukarere, kia tino ma ai oku ringa;
31 E kopiroa ano ahau ekoe ki te wharua, a, ka riri ra kia au oku kakahu.
32 Ina, ehara ano hoki ia i te tangata, kia mea atu ai au ki aia, kia haere tahi ai maua ki te whakawa.
33 A, kahore he wawao i waenga i a maua, kia pa mai ona ringaringa ki a maua ngatahi.
34 Kia tangohia eia tona whiu i a au, aua tona wehi e whakamataku i a au.
35 Ko reira korero ai ahau, ekore e mataku i a ia; otira, kihai i pene i ki a au.