Upoko 7.

Kihai ranei i meinga he taima whawhaitanga mo te tangata i te ao? ekore ranei ona ra e rite ki nga ra o te tangata e mahi ana ki te utu?

2 Ka hiahia nui te pononga ki te marumarutanga, ka tatari hoki te kai mahi ki tona utu:

3 Kua pena ano hoki ngamarama teka noa moku, ko nga po hoha ano kua homai moku.

4 Ka takoto iho ahau ka ui, ko ahea au ara ai, rite ai ra nei te po? a, e takoto tonu ana ahau, a—ao noa te ra.

5 Kua kakahuria toku kikokiko ki te kutukutu me te piringa puehu, kua pahihore toku hiako, kua whakarihariha.

6 Kua hohoro rawa oku ra, a, hore he tumanakotanga.

7 Mahara mai ra, he hau kau toku oranga, ekore e kite ake toku kanohi i te pai.

8 Ko te kanohi o tera i kite mai i a au, heoi ano ona kitenga i a au: ka tau mai ou kanohi ki a au, a, ka kahore nei ahau.

9 Ka pau te kapua ka mahea; ka rite ra te tangata e haere iho ana ki te urupa, ekore e hoki ake.

10 Ekore ia e hoki mai ki tona whare, a, heoi ano ona kitenga o tona kainga i a ia.

11 Koia ahau ka korero ai; kia korero au i te pouritanga o toku wairua; ka amuamu ahau i te kawanga o toku wairua.

12 ¶ He moana ranei ahau, he tohora ranei, i meinga ai e koe te kai whanga mai ki a au?

13 No taku meatanga kia whakamarietia ahau e toku moenga, kia whakaitia toku mamae e toku okiokinga;

14 Ko tau mahi tera hei whakawehi i a au ki nga moe, ka whakawehingia ahau ki nga kitenga o te po.

15 Koia i pai ai toku wairua ki te notinga me te mate, ehara oku wheua.

16 Ka whakaririka ahau; ekore au e pai kia ora tonu: waiho ahau; he tekateka noa ano oku ra.

17 He aha te tangata i whakanuia ai ekoe? i whakangakau ai koe ki a ia?

18 l haere tonu ai koe ki aia i nga ata, whakamatautau i aia i nga momeniti katoa?

19 Ko ahea haere ai koe i a au, waiho ai ahau kia horo i taku buhare?

20 Kua hara ahau; me pehea ahau ki akoe, E te kai whakaora i te tangata? He aha i waiho ai ahau hei puhanga mou, i taimaha ai ano a hau i a au?

21 A, he aha ra te murua ai ekoe taku hara, te whakarere ai i aku kino? penei ka moe ahau i te puehu; a, ka rapu koe ki a au a te ata, otira kua kahore ahau.