Upoko 4.

Na, ka ki ano a Iraipaha te Timanaite, ka mea,

2 Ki te mea ko matou kia korero ki akoe, ekore koe e pouri? otira, e taea e wai te pupuri i tona reo?

3 Na, tokomaha au i whakaako ai, a, whakakahangia ana ekoe te ringaringa ngoikore.

4 Na ou kupu ano i ora ai te tangata e hinga ana, nau ano i kaha ai te turingonge.

5 Tena ko tenei, kua tae mai nei ki akoe, a, kua hemo koe; ka pa nei ki akoe, a, kua pouri koe.

6 E hara oti tenei i tou wehi, i tou whakapono, i tou tumanako tonu, me te tikanga o au ritenga?

7 Ka mea atu ahau ki akoe, kia mahara koe, nonahea ranei i mate ai te tangata tika, i tineia ranei tehunga tika kihea?

8 Ki taku titiro ano, ko ratou e parau ana i te hara, e page 5 rui ana i te kino, ka hauhake ratou i ta ratou ano.

9 Ka mate ratou i te haanga a te Atua, a, na te hau o ona pongaponga i pau ai ratou.

10 Ko te tangi o te raiona, ko te reo o te raiona riri, me nga niho o nga raiona kaha, kua whati.

11 Kua mate te raiona tawhito i te kai kore, ko nga kuao o te raiona kaha, kua ma rara ke.

12 Na, he mea ano i puta puku mai ki a au, a, ka rongo maheahea toku taringa.

13 I nga whakaaro o nga moe o te po, i te parangiatanga o te tangata i te moe,

14 Ka pa mai ki a au te mataku, me te whakaiitatanga i tuiri ai oku wheua katoa.

15 Na, ka puta mai taua wairua ka pahure tata i toku kanohi, ka pa te hohore ki a au, ka tutu oku tara.

16 Na, tu mai ana, otira kihai i kitea tona ritenga, he kahua ano i titiro ai oku kanohi, hore he turituri; a, ka rongo ahau i te reo, ka mea mai,

17 E nui atu ranei i to te Atua tika ta te tangata mate tika? e hira ake ranei te ma o te tangata, i te ma o tona kai hanga?

18 Na, kihai ia i whakawhirinaki ki ana pononga: ka whakakuware ia ki ana anahera.

19 Tena ko te hunga e noho ana i nga whare oneone, e tu ana i te puehu, e whakamatea ana e te huhu?

20 E whakamatea ana ratou i te ata, tae noa ki te ahiahi: ka mate tonu ratou, ekore e maharatia.

21 Ekore ranei e hemo o ratou pai i roto i a ratou? ka mate ratou, na, hore rawa he matauranga.