Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

Upoko 32

Upoko 32.

Aka mutu te tohe a nga; tangata tokotoru nei, mo te mea, ki tona whakaaro, e tika ana ia.

2 Mei reira ka toro te ngakau o Iraihu, te tamaiti o Parakera te Puhaite, no nga whanaunga o Rama i riri tona ngakau ki a Hopa, mo tana meatanga, e tika ana tona wairua i te aroaro o te Atua.

3 I riri hoki ia ki ona whanaunga tokotoru, mo te mea, kahore a ratou kupu whakahoki, he whakapae kau a ratou ki a Hopa.

4 I tatari ano a Iraihu kia mutu te korero a Hopa, mo te mea, i kaumatua ake ratou i aia.

5 A, ka kite a Iraihu, kahore he kupu whakahokinga a nga tangata tokotoru nei, ka puta tona ngakau.

6 Na, ka ki a Iraihu te tamaiti a Parakera te Puhaite, ka mea, He tamariki ahau, he tino kaumatua koutou, koia a han i wehi ai, a, te puta taku whakaaro.

7 Ka mea au, ma nga ra e korero, ma te maha o nga tau e whakaako ki te tohungatanga.

8 Otira, he wairua to te tangata: a, ko te haanga a te Atua kaha ki roto, i whai matauranga ai ratou.

9 Ekore nga tangata nunui katoa e matau: ekore hoki e matau nga kaumatua ki te whakawa.

10 Koia ahau i mea ai, Whakarongo mai ki a au; maku hoki e korero taku whakaaro.

11 Na, i tatari ahau ki o koutou kupu; i whakarongo ahau ki o koutou matauranga, i a koutou e rapu ana ki nga kupu.

12 Ara, i whakarongo ahau ki a koutou, a, na, ekore e he a Hopa i a koutou, kahore ano i utua ana kupu:

13 Kei penei koutou, kua kite matou i te matauranga, na te Atua ia i turaki, ehara i te tangata.

14 Na, kahore ano ia i korero mai ki a au; ekore hoki au e korero atu i a koutou kupu ki aia.

15 Ka miharo ratou, heoi ano te whakahokinga: ka mutu a ratou korero.

16 Ano ka tatari ahau, (kihai ratou i korero, i wkakarongo kau mai, kahore he kupu;)

17 Na, ka mea ahau, Maku ano taku wahi, maku e whakapuaki taku whakaaro.

18 He maha aku kupu, ko page 36 te wairua i roto i a au e whakahiahia ana i a au.

19 Na, e rite ana toku kopu ki te waina e purua ana; ka whano ka pakaru, ano he pounamu hou.

20 Maku e korero, kia ora ahau; ka hamama toku waha, ka korero.

21 Ka mea atu ahau ekore au e wehi ki te tangata, aua a hau e ho atu i nga ingoa whakapati mo te tangata.

22 Ekore au e kite ki te ho atu i nga ingoa whakapati mo te tangata; ka riro wawe au te tango e te kai hanga i a au.