The Pamphlet Collection of Sir Robert Stout: Volume 63
Upoko 31
Upoko 31.
Kua hanga ta mana kawenata ko oku kanohi, he aha ina ka titiro ai ahau ki te kotiro?
2 He aha hoki te putunga a te Atua i runga? te wahi ranei o runga a te Atua kaha?
3 Ekore ranei e pa te whakamatenga ki te hunga hara? me te mamaetanga nuitanga ki te kai mahi i te kino?
4 Ekore ranei ia e kite i oku haerenga, ka tatau ano i oku whakarakanga.
5 Me he mea kua haere au me te tinihanga, ara ki te mea kua hohoro oku waewae ki te hianga;
6 Na, kia paunatia ahau e ia ki te patina tika, kia kite te Atua i toku tikanga.
7 Ki te mea, kua hikoi ke toku waewae i te ara, Kua aru ranei toku ngakau ki oku kanohi, ki te mea kua poke oku ringaringa;
8 Penei, ka rui ahau, ka kai te tangata ke; ara kia hutia ake aku whakatupunga.
9 Ki te mea kua he toku ngakau i te wahine, kua whakapapa ranei au i tahaki o te whatitoka o te tangata noho tata;
10 Na, ka pai kia huri paraoa toku wahine ma te tangata ke, kia takoto iho ranei tetahi atu ki aia.
11 Mo te mea, he hara nui tenei; ara he kino nui ki nga kaiwhakawa.
12 He kapura tena e ka, a, pau ake: ka hutia e tera aku whakatupunga ka toa.
13 Ki te mea i pakeke ahau ki taku pononga tane, ki taku pononga wahine ranei, i a raua i tohe mai ki a au;
14 Na, ka pehea ahau, ua whakatika te Atua? a tona taenga mai hoki, kia pehea taku e mea atu ai?
15 Ehara ranei i te kaihanga i a au i hanga ai ia i roto i ye kopu? ehara ranei ia i hanga ai maua ngatahi i te kopu kotahi?
16 Ki te mea kua puritia e ahau te hunga rawakore, kei page 34 puta ta ratou hiahia, naku ranei i pau ai nga kanohi o nga pouaru;
17 Ki te mea kua pau i a au anake toku wahi, a, kahore nga pani i kai tahi;
18 (No toku nohinohinga i noho tahi ai maua, ano he matua, no te tiaki i aia ahau i te putanga mai i te kopu o te whaea:)
19 Ki te mea kua kite au i te matenga o etahi i te kakahu kore, he hunga rawakore kahore he kakahu;
20 Ki te mea kahore ano i whakapai noa mai tona ngakau, ki te mea kihai ia i mahana i nga huruhuru o oku hipi;
21 Ki te mea kua patu ahau i nga pani i toku nohoanga i te whare whakawa;
22 Penei, kia motu ke toku ringaringa i toku pokowhiwhi, kia whati hoki toku ringaringa i te wheua.
23 Ko te whakamatenga a te Atua i wehi ai au; na tona tiketike, te manawanui ai au.
24 Ki te mea kua waiho e a hau te koura hei tumanakotanga moku, kua mea ranei ki te koura pai, ko koe hei okiokinga moku;
25 Ki te mea i hari ahau mo te nuinga o aku taonga, mo te mea kua whiwhi nui toku ringaringa;
26 Ki te mea ka titiro au ki te ra e whiti mai ana, te marama ranei e puta mai ana me tona maramatanga;
27 A, ka hiahia puku ano toku ngakau, kua momi ranei au ki toku ringaringa;
28 Na, he hara nui tena, e meingatia e te kai whakawa: penei, kua whakahe ahau ki te Atua o runga.
29 Me he mea i hari ahau ki te whakamatenga o tera i kaweriri mai ki a au, ki te meai whakatika ahau i tona hopukanga e te kino;
30 Kihai i tukua toku mangai kia kanga ki tona wairua;
31 Ki te mea i tahae au ki nga tangata o toku whare i a ratou e penei mai ana, Homai tetahi kinaki, kahore ano matou i makona;
32 (Kihai i moe te manuwhiri ki waho: i uakina oku tatau ki nga tira.)
33 Me i whaka wareware a hau i oku kino, ano ko Arama, ka huna i taku hara ki roto ki toku ngakau:
34 I mataku ranei au kite taua nui, i wehi ranei au ki te whakakinonga a nga hapu, te puta ai au ki waho o te kuwaha?
35 Whakarongo mai tetahi ki ahau! Na, ko taku hiahia tenei, kia whakaae mai te Atua kaha ki a au; he pai kia tuhituhia e toku hoa whawhai tetahi pukapuka:
36 Kia meinga e ahau ki toku pokowhiwhi, kia puritia e ahau, hei karauna moku.
37 Maku e korero ki aia te, maha o aku whakara kanga: ka page 35 haere tata atu ahau ki aia, ano he piriniha.
38 Ki te mea kua tangi toku whenua i a au, ka amuamu ranei nga ngakinga;
39 Ki te mea kihai i utua e ahau ki te moni te paunga o i tona kaha, i meinga ranei eau nga tangata o te kainga kia mate:
40 Penei, kia tupu ake te puwha, hei witi: me nga tarutaru kino hei paare. Ko nga kupu o Hopa, kua mutu.