Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

Upoko 30

Upoko 30.

Tena ko tenei, kua tawaia ahau e nga tamariki, ko o ratou matua, kihai i tika page 32 kia meinga e au, hei kai whangai mo nga kuri i tiakina ai aku hipi.

2 Hei aha moku te kaha o nga ringaringa o ratou ekore e kitea te kaumatuatanga?

3 Na te rawakore ano, na te mate kai, i pouri ai ratou; oma ana ki te koraha i mua, ki te wahi mokemoke kahore he ngakinga.

4 Ka kohikohi i nga tarutaru kawa, i te taha o nga puia, me nga pakiaka hunipa, hei kai ma ratou.

5 I peia ratou ki waho o nga tangata, (ka whakatupatoria mo ratou ano he tahae;)

6 Ka noho ki nga pari o nga awaawa, ki nga ana o te whenua, ki nga kowhatu.

7 Ka tangi ratou i roro i te ururua, i noho tahi ratou i raro i te tataramoa.

8 He tamariki ratou no nga kuware, he tamariki hoki no te ware; tera atu to ratou kino i to te oneone.

9 A, ko au nei ano, ta ratou waiatatanga; ko au hei tawainga ma ratou.

10 Ka whakarihariha ratou ki a au, ka oma ki tawhiti, ekore e wehi ki te tuha ki toku kanohi.

11 Na te mea kua wewete ia i taku aho, kua whakamamae i a au, koia i wetekia ai e ratou te parai te i toku aroaro.

12 Ka whakatika mai i toku ringaringa matau nga taitamariki, ka whakahinga i oku waewae, ka rauiritia o ratou maioro hei whakamate i a au.

13 Ka whakakino ratou i toku ara, ka whakanui i toku mate, kahore he hoa moku.

14 Ka haere mai ratou, ka pakaru nui mai ano he waipuke, ka pehi mai ratou hei whakamate.

15 Kua pa mai te wehi: ka aru ratou i toku wairua, ano he hau: ka mahea toku oranga, ano he kapua.

16 Waihoki, ka maringi toku wairua i roto i a au; ka mau ahau i nga ra o te mamaetanga.

17 Ka okaia oku wheua i roto i a au i nga po; kahore he marietanga mo oku uaua.

18 Na te kaha nui i whai pirau ai toku kakahu, ka piri ki a au, ka penei me te kaki o toku koti.

19 Kua panga ahau e ia ki te paru, kua rite hoki au kite puehu me te pungarehu.

20 Ka tangi ahau ki a koe, a, ekore koe e rongo mai; e whakatika ana ahau, otira, e kore koe e anga mai.

21 Kua pakeke mai koe ki a au; e kahakina ana ahau ki tou ringaringa kaha.

22 Ka hapai koe i a au ki te hau; nau ka eke ai au ki reira; ka hemo toku kaha.

23 Kua kite au, ka riro au i a koe ki te mate, ki te whare hoki i meinga mo nga tangata katoa.

24 Otira, ekore e whakamarokia tona ringaringa ki te urupa, ahakoa tangi ratou i tona whakamatenga.

page 33

25 Kihai ranei au i tangi mona, i aia e pouri ana? kihai ranei au i aroha mo te hunga rawakore?

26 I a au e titiro ana ki tetahi pai, ka puta mai i reira te kino: i a au ano e tatari ana ki te marama, kua puta mai te pouri.

27 I koropupu ano toku manawa, kihai hoki i tatu; i a raia ahau e nga ra o te pouritanga.

28 I haere tangi kau ahau, kahore he ma ramatanga: i whakatika ahau, ka tangi i roto i te whakamenenga.

29 Hei whanaunga ahau mo nga kiwi, hei hoa mo nga koukou.

30 Kua mangu nei ano toku hiako, kua ka hoki oku wheua i te pawerawera.

31 Kua meinga toku haapa hei whakamomoritanga, me toku okana hei reo mo ratou e tangi ana.