Upoko 28.

Tera ano te putanga o te hiriwa, a, he wahi ano to te koura e tahuna ana kia pai.

2 Ko te rino, e tangohia ake ana ia i te whenua, a, e tahuna ana te parahi i te ko whatu.

3 Nana ka whai whakamutunga ai te pouri, a, rapua ana e ia te pakaritanga katoatanga; nga kowhatu o te pouritanga, me te atarangi o te mate.

4 Ka pakaru ake te wai ki nga tangata; nga wai i wareware ai te waewae: ka mimiti ano, ka pahure ano i nga tangata.

5 E tupu ake ana te kai i te oneone, a, ka hurihia ake i raro i reira nga mea pena me te kapura.

6 Ko nga kowhatu o reira ko te takotoranga o nga hapaira! kei reira te puehu o te koura.

page 30

7 He huarahi ano, kahore ano i kite noa tetahi o nga manu, kahore ano i kite noa te kanohi o te kahu.

8 Kahore ano i haere noa nga kuao o te raiona; kahore ano te raiona riri i puta ki reira.

9 Ka whakamarokia tona ringaringa ki te kowhatu, e hurihia ana e ia nga maunga i o ratou tunga.

10 Ka haua e ia nga kowhatu hei awa, ka kite tona kanohi i nga mea tino pai katoa.

11 E purutia ana e ia nga waipuke kei pakaru; a, ko nga mea ano i ngaro ka whakaputaia e ia ki te maramatanga.

12 ¶ Otira, kohea kitea ai te whakaaro marama? a, keihea te wahi o te matauranga?

13 Ekore te tangata e matau ki te ritenga o te utu mo tena mea, ekore e kitea i te whenua o te ora.

14 Ka mea te hohonu, Kahore i a au, ka mea ano te moana, Kahore i a au.

15 Ekore e riro mai i te koura: ekore e paunatia te hiriwa hei hoko ki aia.

16 Maumau ia kia whakaritea ki te koura o Opira, ki te onika utu nui, ki te hapaira.

17 Ko te koura me te hauhunga ekore e rite ki a ia, ekore ia e riro ki nga ipu koura pai.

18 Ekore e whakahuatia te korara me nga peara; mo te mea e puta atu ana te pai o te matauranga i nga rupi.

19 Ekore e rite ki a ia [unclear: te] topaha o Itiopia, ekore e whakaritea ki a ia te tino koura.

20 Na, keihea te wahi e puta mai ai te tohunga tanga? [unclear: a], keihea te wahi o te matauranga?

21 Ina kua ngaro ia i nga kanohi o te hunga ora, kua piri pu hoki i nga manu o te rangi.

22 Ka mea ano a Aparona raua ko Mate, Kua rongo [unclear: o] maua taringa i tona ingoa.

23 E matau ana te Atua i tona ritenga, e kite ana [unclear: ki] ia ki tona wahi.

24 Mo te mea e [unclear: titiro] hoki ia ki nga topito o te ao; e kite ana hoki i nga wahi katoa i raro i te rangi.

25 Kia hanga te taimahatanga mo nga hau; a, paunatia ana e ia nga wai ki te mehua.

26 I tona hanganga i ritenga mo te ua, me te ritenga mo te uira o te whatitiri.

27 No reira i kitea ai e ia, i korerotia ai, a, taka ana e ia; ara i rapua ano e ia.

28 A, ka mea ia ki te tangata. Na, ko te wehi o te [unclear: Ariki], tohungatanga; ko te mahuetanga o te kino te matauranga.