The Pamphlet Collection of Sir Robert Stout: Volume 63
Upoko 16
Upoko 16.
Ano ka ki a Hopa ka mea,
2 Kua tini aku mea pena i rongo ai a hau: he kai whakamarie whakatoi koutou katoa.
3 E mutu koia nga kupu hangareka? he aha i tutu ai koe, i korero ai?
4 E taea ra hoki te pena e a hau, ki te mea i penei o koutou wairua me toku wairua nei; e ahei ra hoki ahau te kohikohi i nga kupu kino mo koutou, ka oioia ai toku mahunga ki a koutou.
5 Penei, ka whakakahangia koutou e toku mangai; ko te mahi a oku ngutu hei whakamarie i a koutou.
6 Ahakoa korero ahau ekore toku pouri e hemo: a, ka mutu ahau, ka rangimarie ranei?
7 Otira, nana ahau i whakangenge: nau i whakakahore oku hoa katoa.
8 Nau ahau i whewhenge ai, i whakapae mai ki a au; ko toku tuoi e whakakino ana ki toku kanohi.
9 Ka haea ahau eiai tona riri, ka kaweriri ia ki a au: ka whakapakiri ano i ona niho ki a au; ka whete nga kanohi o toku hoa riri ki a au.
10 Kua hamama to ratou mangai ki a au; kua papaki ratou ki toku paparinga hei tawai ki a au; kua whakamine mai ratou ki te riri ki a au.
11 Kua tukua ahau e te Atua ki te hunga Atua kore; kua tukua hoki ahau ki te ringaringa o te hunga kino.
12 I rangimarie ahau, otira, kua whatiia ahau e ia: kua hopu ia i toku kaki, ka ngaua titaritaritia ahau, kua whakaturia ahau hei koperetanga mana.
13 Kua karapotia ahau e ona kai kopere, ka wahia e ia oku kaokao, kihai i tohutohu; ka ringihia e ia toku pawa ki te whenua.
14 Ka honotonu tana whawhati i a au, ka peke mai kia au, ano he tangata nui whakaharahara.
15 Kua tuia e ahau te kakahu taua ki toku hiako, kua poke toku taringapihi i te paru.
16 Kua kino toku kanohi ite tangihanga, kei oku hurukai-kamo te atarangi o te mate.
17 Kahore he tahae i oku ringa i pa mai ai: e tika ana hoki taku inoi.
page 1918 E te whenua, Kei huna Koe i oku toto, kei puta taku tangi.
19 Tena ko tenei, kei te rangi toku kaiwhaki, kei runga ano toku tuhituhinga.
20 Kua mahue au i oku whanaunga: otira, ka riringi toku kanohi i nga roimata ki te Atua.
21 E pai ra, kia inoi tetahi ki te Atua mo te tangata, ano he tangata e tohe ana mo tona whanaunga!
22 Waihoki, ekore ehia ake tau, ka haere ahau ki te wahi ekore ai au e hoki mai,