Upoko 11.

A No ka ki mai a Howhara te Ne amataite, ka mea,

2 Aua ranei te mano tini o te kupu e whakahokia atu? A, kia meinga te tangata ngutu hei tangata tika?

3 Ma ou hangare ka ka mutu ai te kupu a te tangata? a, ka tawai koe, kahore koia he tangata hei korero kia whakama ai koe?

4 Kua penei ano koe, Ka tika toku korero, ka ma ahau i tou aroaro.

5 ¶ Otira, ma te Atua ano te korero, kia hamama tona mangai ki a koe.

6 Mana e whakaatu ki akoe nga mea ngaro o te matauraranga, puta rawa atu i tenei kua kitea! Kia matau koe, kahore ano i nui noa te riri a te Atua ki te nuinga o au hara.

7 E kite koe i te Atua me ka rapu koe? E pakari ranei tau matauranga ki te Atua kaha?

8 Ko te tiketike ka pa ki te rangi, He aha tau e mea ai? ko te hohopu, puta iho ki raro iho i te reinga: he aha tau e matau ai?

9 Ko te whangangatanga, tera rawa atu i te roanga o te whenua, tera atu tona whanui i to te moana.

10 Ki te mea ka kotia e ia, ka taupokia ranei, ka kohikohia ranei, na, Kowai e ahei te tukaha ki aia?

11 Ka matau ia ki te tangata waha: e kite ana ano hoki ia i te kino; na, ekore ranei ia e whakaaro?

12 E mea ana te tangata page 13 waha, e matau ana ia, ahakoa whanau te tangata, ano he kuao kaihe puihi.

13 Kia taka ano koe i tou ngakau, kia whakamaro ano i tou ringaringa ki aia.

14 Ki te mea he hara kei tou ringaringa, na, whakarerea rawatia atu, a, kaua e waiho te kino i ou tapenakara.

15 Ma kona ano ka whakaanga ake koe i tou kanohi, a, hore ona ira; ka kaha hoki koe, kahore ou mataku.

16 Ka ware ware hoki koe ki tou pouritanga, ka pena te maharatanga me te waipuke kua mimiti.

17 A, ko te maramatanga o tou kaumatuatanga e puta atu ano i te morungatanga o te ra; ka puta koe, ano ko te putanga o te ra i te ata.

18 A, ka ora koe, ka tumanako tonu nei hoki; a, ka keri koe, ka okioki, i te rangimarietanga.

19 Ka takoto iho koe, kahore tetahi hei whakamataku i akoe; a, he tokomaha te rapu pai mai i akoe.

20 Otira, ka pirau nga kanohi o te hunga kino, ekore ratou e ora, ka mutu to ratou tumanakotanga, ano ko te mareretanga o te wairua.