Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

Upoko 10

Upoko 10

Kua hoha toku wairua ki te oranga; ka waiho e ahau toku pouritanga ki runga ki a au; ka korero ahau i te kawanga o toku wairua.

2 Ka mea atu ahau ki te Atua, Aua ahau e meinga he tangata hara; whakakitea mai te mea e tohe nei koe ki a au.

3 E pai ana koe ki te riri ki a au? ka whakakino koe ki te mahi a ou ringaringa, E pai ranei koe ki te rimanga o te kino?

4 He kanohi kikokiko ranei ou? e titiro ana ranei koe ki ta te tangata titiro?

5 E rite ranei ou ra ki nga ra o te tangata? e rite ranei ou tau ki nga tau o te tangata,

6 I ui ai koe ki taku kino, i rapu ai i taku hara?

7 E matau ana ra koe e hara kore ana ahau; otira ekore tetahi e ahei te whakaora i tou ringaringa.

8 Na ou ringaringa ahau i hanga, oku wahi katoa; otira, e whakakahoretia ana ahau e koe.

9 Mahara mai rapea ki tau hanganga i a au i rite ai au ki te oneone, a, e whakahokia ranei ahau ekoe ki te puehu?

10 Kahore ranei koe i riringi i a au, ano he waiu? kua kurukuruwhatutia ahau, ano he pata pakeke.

11 Nau ahau i whakakakahu ki te hiako me te kikokiko; i taiepatia hoki ahau ki nga wheua me nga uaua.

12 Kua tukua mai ekoe ki a au te oranga me te aroha: a, na tou taenga mai, te mate ai toku wairua.

13 I huna ano enei mea ki roto ki tou ngakau; kua kite ano a hau, kei akoe.

14 Ki te mea ka hara ahau, na, ka tutohutia ano ahau e page 12 koe, a, ekore? au e ora i toku hara.

15 Ki te mea ka hara ahau, na, kei ahau ano te kino; a, ahakoa tika ahau, ekore e ara toku mahunga. Kua ki ahau i te raruraru; na, me titiro mai ano koe ki toku pouritanga;

16 E kake ana. Ka arumia ano ahau ekoe, ano he raiona riri, a, muri iho ka miharo a hau ki akoe.

17 Ka hono tonu au whakawakanga i a au, ka whakanuia ano tau riri ki a au; ka mate ano ahau i te tinihanga me te taua.

18 ¶ Na, he aha koia i homai ai ahau ki waho i te kopu? E pai ana mei tukua ake te wairua, ha, ekore e kite tetahi kanohi i a au!

19 Na, penei, kua kahore noa iho ahau; kua kawea ahau i te kopu ki te urupa.

20 He teka tenei, he torutoru oku ra? kati ra, waiho ahau, kia rangimarie ai au i tetahi wahi,

21 Kei wha haere ahau ki te wahi ekore ai au e hoki mai, ki te whenua o te pouri, me te atarangi o te mate;

22 Ki te whenua o te pouri, e tino pouri rawa ana; ki te atarangi o te mate, kahore o reira tikanga, ko te maramatanga e rite ana ki te pouritanga.