page 51

The Flower O' the Shore.

O! Down the last night, at the pier a short race,
And coming up street I saw Annie's sweet face;
A'e kind look she gae made my heart beat so sore,
For bonnie wee Annie, the Flower o' the Shore.

The lads were admiring her sweet winning ways,
The winds 'bout the corners were sighing her praise;
There was something I said, and I thocht something more,
O' bonnie wee Annie, the Flower o' the Shore.

O had ye but seen her twa pawky een!
As brown as a berry and glancing sae keen;
With these she steals hearts—sure, she's gotten a score,
Has bonnie wee Annie, the Flower o' the Shore.

The honey frae flowers the bee sometimes sips,
Is nought to the honey on Annie's sweet lips;
I ance stole a kiss, but I'll never steal more
Frae bonnie wee Annie, the Flower o' the Shore.

That a'e sweet sweet kiss gie'd my heart sic a stoun",
I didna get better till years had gane roun';
I cou'dna been worse had I stolen a score,
Frae bonnie wee Annie, the Flower o' the Shore.

There's Maggie goes neatly, and Mary goes braw,
But put on their best there is ane beats them a';
page 52 There is ane beats them a', and she'll beat many more,
Will bonnie wee Annie, the Flower o' the Shore.

O ance I lo'ed Annie, and lo'ed her sae weel,
The thocht o' auld days aften gars my heart feel;
Folk may say what they like, but I still shall adore
My bonnie wee Annie, the Flower o' the Shore.