Title: Niuē-fekai (or Savage) Island and its People

Author: S. Percy Smith

Part of: Tidal Pools: Digitized Texts from Oceania for Samoan and Pacific Studies

License: Creative Commons Attribution-Share Alike 3.0 New Zealand Licence

Share:

Ko e tau mahele

78. Ko e fifine ne hake mai he fonua-galo i lalo, ko Popoefu hana higoa, ko e faoa a Momole ne mitiki a lautolu he nonofo he motu ha lautolu. Ka hoko e pouli-taba mo e pouli-ua he kau lapalapa e mahina-kau mo e vahega ke pula mui e mahina, ne fa hau ai ke he motu ke uta oho, ti liu hifo, ai nofo ke aho; ti fa tapaki he tau tagata, ha ko e fifine moka a ia ne tapaki, ai mau he momole e tino. Ne tia e Tu-momole e kupega, ti alai e hala ne fa hifo ai a ia, kua hola, ti puto ai he kupega, kua moua tuai e Tulaga-momole e fifine, Ti hoana e ia.

79. Ne ole age e fifine ke toka a ia ke fano mo e (? ke he) motu hana; kua fatu e fifine, ti fanau mai e tama ko e mahele; ko e mena ia ne tupu ai e tau mahele i Niuē, ka e mata-hegihegi a tau mata, ai lata mo e maama e lā, ko e mena ia ne fa mohemohe ai e tau mata mo e kemokemo fakaave e tau fofoga he tau mahele hina ka tupu i Niuē-fekai.