Other formats

    TEI XML file   ePub eBook file  

Connect

    mail icontwitter iconBlogspot iconrss icon

Niuē-fekai (or Savage) Island and its People

Ko Mele

Ko Mele

39. Ko e tama-fifine ne higoa ko Melē, ne gagao a ia. Ti uta ai ni mo e koukou he vai tama i Hiola; ti ta mai, kua mate ni e tama. Ti uta ai he tau matua hana tino mo e tuku ai i luga he maka ne taute. Ti tolu e po he toka i luga he maka ia; kua uhu atu e tau matua ke ahi a ia, ke koukou hana tino mo e holoholo, kua galo e tama, nakai tokai. Ti tagi tautau e tau matua mo e magafaoa mo e tau ahi atu, ka e nakai moua.

40. Kua moui e tama ne higoa ia Melē. Ne hau mo e lologo atu ke he hana faoa oti. Ne ofomate a lautolu mo e fanogonogo atu ke he leo he tama-fifine ne lologo mai ki a lautolu ne api lavā ai ke he fale tulu ne ta, mo e ta ai e tau fia-uhi ke he mate. Ko e lologo nai, ne pehe:—

1. Kua fakahaele ke koukou i Hiola,
Kua fakahaele mai, to fakahaele atu,
Ka fakahuhulu mahina
Ka puna ho iki ē, ke puna ho iki ē.
2. Ke mulu tau ahi mai,
Ke nofo foki a hai hinai,
Ki ele-ki-ele ko Melē,
Ki ele-ki-ele ko Melē,
Ke puna ho iki e, ke puna ho iki ē,
Ke ele-ki-ele ko Melē.