Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Salient. Victoria University Student Newspaper. Volume. 33, Number 13. 1970

Te Reo Maori I Roto I Tenei Whare Wananga

Te Reo Maori I Roto I Tenei Whare Wananga

He korero poto noa iho tenei ki a koutou. E pa ana te korero nei ki te reo Maori. I te tau nei, e torn noa iho nga wahanga ako o te reo Maori. A tera tau ka timata te wahanga tuawha. Ko enei e whai ake nei, ara
  • Maori Reading Knowledge
  • Maori I
  • Maori II
  • Maori III (ko timata tenei i te tau 1971)

Ko te kaupapa nui o te whakaakonga i roto i tenei whare wananga, ko te korero Maori, ko te tuhituhi Maori ano. Erangi ka ako hoki nga tauira i nga tino taonga a te iwi Maori i a ratou a ako haere ana. Ko enei taonga nga mea i mahue ake nei i nga tipuna. Ko nga whakapapa, nga waiata, nga korero o nehera etahi o ene mea.

E whakamatau ana nga tauira Maori o te reo Maori ki te ako i enei mea hei tuara mo to ratou Maoritanga. No te Pakeha nga whare wananga o naianei, erangi ko te Tari Whakaako Maori e tu ana ki te whakaako i nga mea Maori o nehera, o naianei hoki, ara i nga korero katoa e hapai ana i te mauri Maori.

Tokorua noa iho nga kaiwhakaako. Ko Koro Dewes raua ko Abe Hurihanganui enei. Ka whakaakongia nga tauira tokomaha e raua. He Maori, he Pakeha hoki enei tauira. A tera tau ka whakanui ano nga tokomaha e pai ana ki te akoako i nga tikanga Maori. He mea pai tenei ahuatanga, ma te reo Maori, na oeira kaore taua reo e mate, ka ora tonu, ina hoki na nga e ingoa o taua roopu. Ko te kaupapa ia he roopu manaaki i te reo rangatira nei. Ka mutu tonu te roopu penei i roto i nga Whare Wananga o te motu. Otira, ko te tumanako tonu o te rangatahi nei me pupuri to tatou reo me ona tikanga huhua i a tatou e hikoi ana ki roto i te ao Pakeha.

Na Makarini