O le Tusi Faamavae a Taisi ia Samoa

Faafetai i le Atua o lo'o tausia pea si o tatou atunu'u i Lona alofa tunoa. Oute fia faaali lo'u fiafia ina ua mafai ona onosa'i pea Tamalii ma Failuga ma le atunifu atoa i-puapuaga ma faigata sa tutupu ma ua tausi pea le Filemu. Talosia ia faapea ona faia se'i o'o i le i'uga.

Ua mae'a lelei a'u galuega i Niu-Sila. 0 le a faaulu nei la'u Tusi Talosaga i le Malo Niu-Sila latou te faaooina atu 1 Malo Soso'o. Oute faamoemoe moni o le a faao'o mai la outou Tusi Talosaga ua tusia ai uma o outou suafa i le masina a sau nei o Aperila ina ia maua faatasi ma la'u Tusi Talosaga le Fono a Malo Soso'o e faia i Seneva i le masina o Juni.

O le aso nei oute malaga ese ai ma Niu-Sila. Oute ui atu i Sini aga'i i Europa ina ia on papai iai i aso e fai ai le Fono i Seneva. A tonu e iai sina o'u aoga i lena Fono pe a o'o i aso e filifili ai i a tatou Tusi Talosaga ma mataupu tau Samoa. Ua maua nei le tala o le a te'a ese mai foi Lana Afioga le Kovana mai Samoa i le aso nei. Ua tofia o ia e usufono i le Fono I Seneva mo le Malo o Niu-Sila.

Talosia ia manuia le tapuaiga a si o tatou atunu'u ma ia mautu le mea ua outou finagalo iai i lena Fono. Tu'u pea i le Atua.

Oute taase i nei nu'u mamao ae le mafai ona pe lo'u faa-tuatua o le Mea Tonu ua faasaga iai si o tatou atunu'u. O lea foi oute fealuai ai ma le faamoemoe moni ua lata aso tatou te vaaia ai le alofa o le Atua i lenei mataupu. O la lava tatou te tuu iai el viiga.

Ia manuia ma ia Soifua.