[Translation.]
Ripoata Whakamutunga.
Kua whakahaua ahau kia ripoata, no te Mane, te 22 o Oketopa, i tu ai te huihuinga whakamutunga o te Komiti mo nga Mea Maori.
I tenei tuunga o te Paremata e rua tekau ma ono nga huihuinga o te Komiti-Nui, a e wha nga huihuinga o te Komiti-Raro.
Hui atu ki nga pitihana e toru tekau ma tahi kaore i whakahaerea i tera tau, e waru tekau nga pitihana i takoto ki te aroaro o te Komiti, a e rima tekau o enei i whiriwhiria i ripoatatia, a ko te toru tekau i toe, e mau nei i te Kupu Apiti ki tenei, kua nukuhia mo tera tuunga o te Paremete whiriwhiria ai.
Ko enei e whai ake nei nga Pire i tukua mai ki te Komiti, a kua ripoatatia e te Komiti ara: te Pire Whakatikatika i te Ture mo Horowhenua Poraka, te Pire Whakatau Kereme Whenua Maori Whakatikatika Ture, te Pire Whakatikatika i te Ture Whakanohonoho Whenua Maori, me te Pire mo nga Maori Whenua Kore.
E hiahia ana te Komiti kia tuhituhia ki roto ki nga pukapuka tona whakapai ki te pukumahi me te mohio o te karaka (o te Komiti) ara, o Mr. J. L. Haselden ki te whakahaere i ana mahi.