Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1898.

[Translation.] — Te Pire Poari mo nga Whenua Maori o te Tai-Rawhiti

page 14

[Translation.]
Te Pire Poari mo nga Whenua Maori o te Tai-Rawhiti.

I tukuna mai ki te Komiti mo nga Mea Maori te Pire e mau nei te ingoa i runga nei, a kua ata whiriwhiria e ratou taua mea, a kua whakahaua ahau kia ki penei:—

Kaore e pai kia whakaturia he Poari motuhake hei whakahaere i nga whenua i tukua atu nei i mua ki te Kamupene Whakanohonoho Whenua Maori o Niu Tireni, engari (mehemea ra kaore he mana pera naianei) me whakauru he Pire hei whakamana i etahi kai-tiaki hei hokohoko atu i etahi o aua whenua, e puritia nei i naianei a Honore Timi Kara me Wi Pere, Ms.H.R., hei whakaea i te nama a te Peeke o Niu Tireni e takoto nei i runga i aua whenua; a ina ea taua nama ko nga wahi o aua whenua kaore i hokona me riro ma tetahi Ture motuhake e whakahaere i runga i nga tikanga tera e tohutohungia e te Kooti Whakamana ina kitea nga hiahia o nga tangata whaitake ki aua whenua, a i runga i te whakaaro me mahi he ture e tika ana mo aua whenua, na reira me whakamutu te whakahaere o tenei Pire e mau nei tona ingoa i runga nei.

16 o Hepetema, 1898.