[Translation.]
No. 160.—Pitihana a Miriama Pahawaiki me etahi atu kotahi rau e toru tekau ma rua.
E ki ana nga kai-pitihana hei kai-tiaki mo nga tangata no ratou te whenua i whakaurua ai nga tangata kotahi tekau ki te Karauna karaati mo Tuke-Mokihi Nama 1 me Nama 2 Poraka, a i runga i te hokonga e aua kai-tiaki i taua whenua kua tahaetia nga tika o nga tangata no ratou te whenua. E inoi ana ratou kia whakaorangia to ratou mate.
Kua whakahaua ahau kia ki penei, ki te whakaaro o te Komiti me uiui e te Kawanatanga te ahua o etahi wahi o aua poraka i toe i te hoko a e puritia nei e aua kai-tiaki, a ma te Kawanatanga e whakahaere etahi tikanga e tika ana hei whakaora i te mate o nga kai-pitihana.