[Translation.]
No. 45.—Pitihana a William Humphries.

E inoi ana te kai-pitihana kia utua ia mo nga mate i pa ki a ia i runga i etahi whakahaerenga whenua Maori, ara, i nga poraka o Raimoiti, Ratahangai me Purakau, Takiwa o Taranaki i te mea i pa aua mate ki a ia i runga i etahi hapanga o te ture. A e tono ana hoki ia kia paahitia he ture hei whakamana i nga tiwhikete o etahi whenua Maori i hokona e ratou ko etahi atu tangata.

Kua whakahaua ahau kia ki penei, i whiriwhiria ano te kereeme a tenei kai-pitihana i te tau 1896, a paahitia ana he ture i runga i te whakatau o taua tau hei whakaora i te mate o te kaipitihana, otira i te mea kua whakataua e te Hupirimi Kooti kei te ngehe taua ture i paahitia ra na reira kihai i taea te whakaora o te mate o te kai-pitihana. Heoi ki te whakaaro o te Komiti me whakahaere he ture hou i tenei huihuinga o te Paremete hei whakaora i te mate e inoitia nei e te kai-pitihana.