Reports of the Native Affairs Committee, 1897.
[Ripoata Whakamutunga.]
E whai honore ana ahau ki te ripoata no tenei ata i tu ai te huihuinga whakamutunga o te Komiti mo nga Mea Maori o tenei tuunga o te Paremete.
E waru tekau ma waru nga pitihana i tukua mai kia ripoatatia e te Komiti, e rua tekau ma waru o enei no te wiki tonu kua pahemo ake nei i tae mai ai ki te Komiti. Heoi na te poto o te taima e rua tekau ma waru tonu nga mea i whiriwhiria a i ripoatatia. Ko nga pitihana e rima tekau ma rua e mau ake nei te rarangi kaore ano i whakahaerea, a me waiho mo te tuunga o te Paremete e haere ake nei whakahaerea ai.
Koia enei nga Pire i tukua mai ki te Komiti kia whiriwhiria, ara: te Pire mo nga Whenua Maori (Wi Pere), te Pire Whakamana Kaunihera Maori (Henare Kaihau), te Pire Whakatikatika i te Ture mo Hovowhenua Poraka, me te Pire Rahui i Kapiti Motu mo te Iwi Katoa.
Ko nga Pire whakamutunga e rua i ata whiriwhiria a i ripoatatia, a i tuhituhia nga korero i korerotia ki te aroaro o te Komiti mo aua Pire, a tera e kitea i roto i te Pukapuka-Paremete I.–3B me I.–3C.