[Translation.]
Te Pire Rahui i Kapiti Motu mo te Iwi Katoa.

Kua whakahaua ahau kia ki penei, i tukuna mai ki te Komiti te Pire e mau iho nei te ingoa, a kua whiriwhiria taua mea i runga i nga korero i korerotia ki to ratou aroaro, e mau nei te tauira o aua korero, a ki to ratou whakaaro kaua e tukuna taua Pire kia whakahaerea i runga i tona ahua e mau nei, engari me paahi he Pire poto hei arai, mo te tau kotahi, i nga whakahaerenga tuku katoa mo taua whenua a nga tangata noa iho, engari, i roto i taua tau kotahi, me kite te Kawanatanga i nga Maori a me whakamatau mehemea tera e taea te whakariterite etahi tikanga mo taua whenua i waenganui i te Kawauatanga me nga Maori nona taua whenua.