[Translation. ]
E whai honore ana ahau ki te ripoata no tenei ata i tu ai te huihuinga whakamutunga o te Komiti mo nga Mea Maori, a ko te wha tekau ma tahi tenei o uga huihuinga o te Komiti i tenei Huinga o te Paremete.
Kotahi rau nga pitihaua i tae atu ki te Komiti kia whiriwhiria, e uru ana ki enei nga pitihana tekau ma tahi kaore i mahia i te tau 1895, kua mahia katoa enei pitihana a kua ripoatatia.
Ko enei e whai ake nei nga Pire i whiriwhiria a i ripoatatia, ara: Te Pire Tiaki mo Ngatitoa, te Pire Whakatikatika i te Ture Reiti, 1894, te Pire Whakatikatika i te Ture Rahui Maori, te Pire Rahui Maori mo te Takiwa o te Urewera, me te Pire Whakatikatika i nga Ture Whenua Maori.
I whiriwhiria a i ripoatatia hoki nga Pukapuka i tuhia ai ki roto nga Whakataunga a te Kooti Whakamana i raro i "Te Ture Whakamana Take Whenua Maori, 1893."
I runga i tetahi whakataunga a te Komiti, kua whakahaua ahau kia ki penei, "E hiahia ana te Komiti kia tuhia ki roto ki nga pukupuka o te Komiti to ratou whakawhetai atu ki te Tiamana mo tona kaha me tona mohio, mo tona ngawari hoki, i a ia e whakahaere ana i nga mahi a te Komiti i roto i nga huinga e toru o tenei Paramete."