[Translation.]
No. 597, 1891, Sess. II.—Pukapuka-inoi a Hare Moanoa me etahi atu.

E Ki ana nga kai-pitihana kua tangohia hetia o ratou whenua i a ratou a e whakaatu ana ratou i nga take i riro ai aua whenua i te New Zealand Native Land Settlement Company (Limited). E whakaaro ana hoki ratou kihai i tika i runga i te ture nga mahi a te Kooti Whenua Maori nana nei i whakatuturu te tangohanga o taua whenua, e whai kupu ana hoki ratou mo te mahi tahae a nga kaiwhakahaere o taua Kamupani, e mea ana hoki kihai i riro mai i a ratou nga moni katoa mo taua whenua e whakahuatia ana i roto i te Tiiti, a i whakaaetia ano hoki i roto i tetahi Tiiti i page 34anga e taua Kamupani ki waenganui i a ratou me nga Maori whai take e kore ratou e hoko e Mokete e riihi ranei kia whakaae rano nga Maori whai take, heoi whakakorea iho taua Tiiti. A ahakoa taua whakaaetanga a taua Kamupani tahuri ana ratou ki te Mokete i te whenua o nga kaipitihana ki te Peeke o Niu Tireni. No muri nei ka hokona e taua Peeke aua whenua me te ki inaianei no ratou ake aua whenua, a kua panuitia e ratou inaianei kia hokona. Na e inoi ana nga kai-pitihana ki te Kawanatanga kia araia taua hoko kia oti marire te uiui i te tika o nga take o nga Maori me taua Kamupani ki aua whenua, a ko a ratou whenua i tangohia hetia e taua Kamupani me whakahoki ki a ratou me te tuku i te ora i kite ai te Paremete he mea tika kia tukuna.

E whakaaro ano te Komiti me ata titiro e te Kawanatanga te inoi a nga kai-pitihana a ki te taea me arai i nga whakahaere mo runga i aua whenua kia ahei ai te whakatu i tetahi Kooti hei tukunga atu mo aua keehi kia whakawakia i runga i te huarahi apitireita.