[Translation.]
No. 27, 1890.—Pukapuka-inoi a Winiata te Wharo me etahi atu tokowhita.

E inoi ana nga kai-pitihana kia nukuhia te nohoanga o te Kooti Whenua Maori mo Awarua Poraka i Matene, kia Moaowhango, whakawa ai a te raumati, ko te kainga tuturu hoki tera o nga tangata whai take.

Kua whakahaua ahau kia ki pene i: Notemea kua nui te whakawa haere o Awarua Poraka e kore e ahei e te Komiti te whakamana i te inoi a nga kai-pitihana ko tetahi mehemea e whakamana ana taua tono tera pea e tau he mate ki runga ki nga tini tangata e whai take ana. Otira e kiia ana he nui te mate e pa ana ki nga Maori i runga i te nohoanga o te Kooti ki nga taone Pakeha i nga takiwa makarini, a tera ano etahi mate nui ake i era i waenga i nga Maori e haere ana ki aua Kooti. No reira e hiahia ana te Komiti ki te whakapuaki i o ratou whakaaro i te mea e whakataua ana te wa me te wahi hei nohoanga mo te Kooti me nui te whakaaro ki nga Maori i runga ano ia i te pai o te wahi hei nohoanga mo te Kooti kia tere ai te whakaoti i nga take.