[Translation.]
No. 219.—Pukapuka-inoi a Henare Tahau me etahi atu 15.
Ko nga kai-pitihana e whai take nei ki tetahi poraka whenua e karangatia nei ko Okirae, e ki ana i riihitia e ratou te whenua ki etahi Pakeha tokorua e karangatia nei ko Haare Kamarana me Temeteme; a i hokona e raua ta raua riihi kia Hohepa Apata, a e ki ana taua Hohepa Apata inaianei i hokona tonutia ki aia te whenua e Haare Kamarana me Temeteme. E whakahe ana nga kai-pitihana ki tenei me te inoi mo tetahi ora.
Kua whakahaua ahau kia ki penei: No te mea kua unuhia te pitihana e te Puruiti, kahore he kupu a te Komiti.