[Translation.]
No. 4.—Pukapaka-inoi Haana me Keneri.

E Inoi ana nga kai-pitihana mo etahi tekiona whenua i roto i te Okutuku Poraka i riihitia e ratou kia peratia te whakarite o nga tikanga o ta ratou riihi me nga riihi e puritia tuturutia ana e era i raro o te Ture Whakataunga Rahui o te Tai Hauauru.

Kua whakahaua ahau kia ki penei: Ki te titiro atu he kai whakakapi nga kai-pitihana no Weiremuhana i runga i tana riihi i nga Maori, a mehemea i mau tonu i runga i tau riihi kua ahei nga kai-pitihana te pupuri i taua riihi i raro i nga tikanga o te Ture Whakataunga Rahui o te Tai Hauauru, 1887, pera ano me te riihi tuturu, ko te take i rere ke ai nga tikanga o taua riihi he hokonga na te Kawanatanga i taua whenua i nga Maori i mua o te whakaputanga o te Karati, [unclear: o] reira ka puta te hiahia kia riihitia taua whenua i te Kawanatanga erangi kahore e tuku i te painga kia ratou pera me era e riihi ana i raro o te Ture i paahitia e te Paremete kua hori ake nei. A e tono ana te Komiti kia hanga he Ture hou kia ahei ai te whakatau i te riihi a te kai-pitihana i runga i te riihi tuturu i raro i nga tikanga o te Ture Whakataunga Rahui, 1887.