[Translation.]
Nos. 61 and 62.—Pukapuka-inoi a Wepiha Apanui me ona hoa e 206 me Rewiri Paera me ona hoa e 23.

E Inoi ana nga kai-pitihana kia pahitia tetahi Ture hei whakakaore i nga karaati tawhito me te tuku i etahi karaati hou kia ahei te whakahaere i tetahi tikanga hou mo runga i nga whenua raupatu i te Pei o Pereti kia rite tonu te hea ma ia tangata me te tau o te ora ki runga i a ratou.

Kua whakahaua ahau kia ki penei: Kahore i ruarua te whakaaro he mate nui ano to nga kaipitihana otira kua oti te whakaatu e te Tumuaki e Maketanara tera ano tetahi huarahi e ea ai to ratou mate kei te rarangi 41 o te "Ture Kooti Whenua Maori, 1886," no konei ka whakahau te Komiti i nga kai-pitihana kia whakahaerea taua rarangi kia ahei ai te tuku i te whenua e korerotia nei ki te aroaro o te Kooti Whenua Maori kia ahei ai hoki te pupuri i te whenua i runga i tetahi tikanga ke me te tuku i etahi karaati hou ki nga tangata whai take katoa, me te whakangawari atu hoki e te Kawanatanga i nga huarahi e ahei ai nga kai-pitihana te tuku i ta ratou kehi ki te aroaro o te Kooti Whenua Maori. A ki te mea e kitea ana he mea tika, me hanga i tetahi Ture hei whakarite mo te inoi a nga kai-pitihana.