[Translation.]
No. 395.—Pukapuka-inoi a Te Warihi Makitaunu me tetahi atu.

E inoi ana nga kai-pitihana kia utua ki a ratou nga moni e £8,000 pauna mo te taha ki to ratou hapu mo runga i a ratou take ki tetahi poraka whenua pera ano me te whakaaetanga a te Ta Tanara Makarini raua ko te Hiana i raua e tu ana hei Minita Maori.

Kua whakahaua ahau kia ki penei: I runga i te rongonga ki nga korero a nga kai-pitihana. Ka mea a te Ruihi te Hekeretari o te Tari Maori e whakaatu ana nga pukapuka o te Tari kahore he whakaaetanga a te Makarini. A e mea ana no hoki a Kapene Mea i haere tahi atu nei me te Makarini hei kaiwhakamaori kahore a te Makarini i whakaae, a kote whakaaetanga e kiia nei i whakaaetia kua mohio a Kapene Mea mehemea i whakaaetia, no te mea i reira tonu ia i nga huinga katoa ki te aroaro o te Makarini, I korerotia ano hoki e Kapene Mea nga korero a Ta Tanara Makarini e mau ana i roto i te nuipepa o te Pei o Pereti Taima. A kahore kau he kupu whakaae a te Makarini i roto i taua whaikorero ana. No reira e mahara ana te Komiti kahore kau he take a nga kai-pitihana e tono ai ki te Kawanatanga.