[Translation.]
No. 217, Sess. II.—Pukapuka-inoi a Hone Renimana.

E ki ana te kai-pitihana i hokona e ia i nga Maori nga eka whenua e 2,631 ara ko tetahi wahi o Tamahere Poraka mo nga moni e £700, a he roa te wa i noho ai ia i runga i taua whenua, na mo te tau 1884 ka tonoa e Minita Maori kia hokona taua whenua, a na taua hokonga i ngaro ai nga moni e £700 i utua e ia mo taua whenua, e inoi ana kia whiriwhiria tenei mate ona.

Kua whakahaua ahau kia ki penei: I runga i nga korero i korerotia ki te aroaro o te Komiti, e maharatia ana i utua e Hone Renimana ana moni ki nga Maori kihai i whai take ki Tauwhare Poraka, a i whakaaturia ano hoki ki aia kahore he take a aua tangata ki taua whenua, no reira kahore he kupu a te Komiti mo runga i tenei tono.