[Translation.]
Nos. 128 me 129, Sess. I.—Pukapuka-inoi a. Hori te Aunoanoa me etahi atu e 77, me Peneamine Waipapa me etahi atu e 74.
E Ki ana nga kai-pitihana e whai take ana ratou ki tetahi poraka whenua e karangatia ana ko Waipiro te ingoa a i whakataua ki a ratou e te Kooti Whenua Maori, no muri iho ka whakawakia tuaruatia taua whenua a whakataua hetia ana tetahi wahi o taua poraka kotahi te kau mano eka ki etahi atu Maori, e inoi ana ratou inaianei kia whakawakia tuatorutia kia mohiotia ai ko wai nga tangata tika ki taua whenua.
Kua whakahaua ahau kia ki penei: I runga i te rereketanga o te whakataunga tuatahi i te whakataunga tuarua a te Kooti Whenua Maori i Waipiro Poraka a i runga i te whiriwhiringa o nga korero i korerotia ki te Komiti, kua whakaaro te Komiti he tono tika te tono a nga kai-pitihana e tono nei kia whakawakia ano taua whenua a e tono ana kia whakaaetia taua tono kia ahei ai te tino whakatau ki nga tangata tino whai take ki taua whenua me te whakaoti i tenei raruraru.