[Translation.]
No. 31 of 1883; me No. 8, Sess. II., 1884. — Pukapuka-inoi a Ruka Tutu me etahi atu; me Ramari Herewini me etahi atu.
E Inoi ana nga kai-pitihana mo tetahi whenua e karangatia ana ko Whakarewa, i te Takiwa o Motueka, kia whakahokia kia ratou, ko te take i hoatu ai e ratou te whenua hei turanga kura, hei ngaki ma nga tamariki, e mea ana ratou kia whakahokia kia ratou no te mea kua kore he kura, kei te takoto kau te whenua.
Kua whakahaua ahau kia ki penei:—
E whakaaro ana te Komiti kua takahia nga ritenga o te kaitiakitanga o taua whenua, kahore i ea, a me wahi e te Kawanatanga kia kawea taua keehi ki roto ki te Huperimi Kooti ranei, me mahi ranei he Ture, hou e taea ai te whakahoki i taua whenua ki te ahua o mua, ara he whenua rahui Maori i raro i te whakahaere o te Kai-Tiaki o te katoa.
A ko te wahi o taua whenua i hoatu e te Karauna, me hoki ano taua wahi ki te Karauna.