[Translation.]
No. 178, Sess. II.—Pukapuka-inoi a Wirihana me Piriri me etahi atu (No. 2).
E Ki ana nga kai-pitihana he kai riihi ratou no etahi Whenua Rahui i te Tai Hauauru i roto i te Takiwa raupatu kahore a ratou riihi i whakahaua e nga Komihana o te Tai Hauauru kia whakamana e to Kawana no te mea i whakaritea i muri iho i te pahitanga o "Te Ture Patai Whenua Raupatu me te Ture Whakawa Herehere, 1879."
E inoi ana ratou (1) kia whakamana a ratou riihi; (2) kia whakahoutia a ratou riihi e te Kai-Tiaki o te katoa i raro o nga tikanga o te riihi e mau nei.
Kua whakahaua ahau kia ki penei:—
E whakahau ana te Komiti i te Kawanatanga kia pataia te tika o enei riihi a ki te mahara ratou e tika ana nga utu me etahi atu tikanga o te reti e tika ana kia whakamana i runga i nga whakarereketanga e whakaarohia ai he tika i runga ano hoki i te tiaki i nga take o nga Maori no ratou te whenua a no te mea kihai i tino tika te whakahaere o enei rihi i te tuatahi e whakaarohia ana kahore e tika kia uru tetahi kupu utu mo nga whakapainga mo te whakaroa ranei i te riihi i te mutunga o te riihi.