Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Report of the Native Affairs Committee, 1883.

[Translation.] — No. 381.—Pukapuka-inoi a Hone Tanikena me Wiremu te. Aho

[Translation.]
No. 381.—Pukapuka-inoi a Hone Tanikena me Wiremu te. Aho.

E ki ana nga kai-pitihana i mahara ratou ko te Poraka whenua i Waikato e Karangatia nei ko Opuatia e 45,500, eka i Karatitia ki te Iwi Katoa o Ngatitipa, katahi nei ratou ka mohio he torutoru rawa nga ingoa kua tuhituhia ki roto i te Rira ehara i te mea he kai tiaki kau ratou mo te iwi erangi mo ratou tonu ake to ratou na whenua. E inoi ana ratou kia whakakorea atu tenei karati, kia whakaturia ano tetahi runanga kimi i te ingoa o nga tangata katoa e pa ana ki taua whenua, a ko nga tangata e mau nei nga ingoa i runga i te karati kia whakataua ratou he kai tiaki kau mo te iwi.

Kua whakahaua ahau kia ki penei:—

He keehi ano tenei i rite ki etahi keehi maha i tuhia nei nga ingoa o etahi tangata ki roto ki te Karauna karati hei painga kau ano mo tera takiwa, a tahuri ai taua hunga ki te tango i te whenua mo ratou anake, kihai nga tangata o waho o te iwi i mahara ka neke ake te mana o taua hunga i roto i te karati i o te kai-tiaki, no muri nei he maha o aua tu karati kua hurihia ketia hei painga mo etahi anake, no reira ka oho nga tangata o waho i te Karauna karaati kei whakamatea o ratou paanga. E whakaaro ana te Komiti i runga i te titiro ki te ora o te nuinga i waho ke mai i te hunga i whakaurua ki roto ki te Karaati me hanga ano he ture kia ata whakahaerea nga Karauna karaati penei me tenei:—Heoi ka tukua tenei mea kia wawe te whiriwhiri mai e te Kawanatanga.

16 Akuhata, 1883.