[Translation.]
No. 74.—Pukapuka-inoi a Wiremu Katene te Mapu me etahi atu 11. (Nama 3).
E Ki ana nga kai-pitihana no te tau 1878 ka whakataua e Tiati Wirihana a Rauotehuia, i rote i te takiwa o Tauranga, ki a Ngatiwhakaue; na i whakaae a Ngatirangiwewehi ki taua whakataunga tono ano ratou ki a whakawa tuaruatia; no te 8 o nga ra o Aperira 1880 ka puta tetahi ota i roto i te kaunigera whakaae i te whakawa tuarua kia tu a te 13 o nga ra o Hepetema 1880, i mua atu ranei engari kaore i tu taua whakawa tuarua; no te tuunga o te Kooti ki Maketu i te 1883 i ki a Tiati Purukuwhira ma te Paremete rano e whakahaere katahi ano ka taea te whakawa tuarua.
Kua whakahaua ahau kia ki penei:—
Kei te tika nga putake e korerotia ana i roto i tenei pitihana, a e hara i te mea no nga kai-pitihana te he i kore ai te whakawa tuarua. E kore e taea te pewhea i runga i tenei ahua o te ture ma te ture hou rano katahi ka taea te whakawa tuarua. E mea ana tenei Komiti me tuku atu tenei pitihana ki te Kawanatanga kia whakaarohia nuitia e ratou me etahi atu pitihana ano hoki penei me tenei, me kore e taea e ratou kia hanga ture hei whakatika i enei tu mate.