[Translation.]
No. 162.—Pukapuka-inoi a Hira te Popo me etahi atu e 350.

E ki ana nga kai-pitihana i Opotiki ia Tihema 16, 1881 ka whakawa te Kooti Whenua Maori i enei whenua i Whitikau me Whakapaupakihi, a no muri mai ka whakaaetia kia whakawakia tuaruatia i te 17 o Hepetema, 1882; he ratapu taua rangi a kihai ratou i pai ki te whakataunga tuarua. E hiahia ana ratoa kia whakahaeretia ta ratou keehi i raro i te Ture Whakamananga Whakaritenga Motuhake.

Kua whakahaua ahau kia ki penei:—

I whakawakia ano a Whitikau penei me ta te pitihana e whakaatu nei. Ahakoa kua ono nga tono kia whakawakia tuaruatia kihai i whakaaetia, te maharatia taua whakakorenga na kahititia ano taua whenua kia whakawakia tuaruatia. No te taenga ki te aroaro o te kooti ka tahi ka kitea te he, a kahore he whakawa tuarua i tu. Ko Whakapaupakihi i whakawakia ano penei me te whakaatu i roto i te pitihana. I puta ano te tahi tono kia whakawakia tuaruatia erangi kihai i whakaaetia. No muri ka puta ano tetahi tono, a roa iho whakaaetia ana, kihai te Kawanatanga i ata mohio kua whakaaetia te whakawakanga tuarua a i runga i te whakakorenga i te tono tuatahi, hokona ana e ratou tetahi wahi o te whenua no te Karauna. I te tuunga o te whakawa tuarua ki te aroaro o te kooti ka ki te Tiati kahore ana mana i runga i tera wahi o te whenua kua whakataua he whenua no te Karauna. I uru te ingoa o tetahi wahine ki tetahi wahi o taua whenua kihai i uru ki to karati tawhito. E whakaaro ana te Komiti ma te hanga ma rire i te tahi Ture e ahei ai te whakahaere tenei mea a kua tukuna ki te Kawanatanga kia whakaarohia.