Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Report of the Native Affairs Committee, 1883.

[Translation.] — No. 79 of 1883.—Pukapuka-inoi a Piripi Whatuaio

[Translation.]
No. 79 of 1883.—Pukapuka-inoi a Piripi Whatuaio.

E whai kupu ana te kai-pitihana no te mea i whakataua e te Kooti Whenua Maori a Waotu No. 2 (ara e karangatia ana ko Waotu ki te Tonga) kia Ngatihurikapu, nana ke ra no tona Iwi no Ngatingarongo. E tono ana ia kia whakawakia tuarauatia.

Kua whakahaua ahau kia ki penei:—

Ko te tono mo te whakawa tuarua me tuku atu ki te Tumuaki o te Kooti Whenua Maori kei aia nei te taunga o te Ture mo te whakatau. Ko te hunga i mate he e whakaaro ana ka ahei e ratou te whakahau i te mana o te Paremete ki runga i te Tumuaki i runga i te pitihana ki te Whare kia korerotia ai ta ratou keehi ki tenei Komiti, ko te mea tika kia hohoro te whakamohio atu ki nga tangata katoa e he ana tenei huarai. Ekore e ahei te Komiti mo te taha Maori te noho hei Kooti tukunga take atu hei whakawa i nga Whenua Maori—ahakoa he mema whiriwhiri ona i tino mohio ki te whakahaere i tenei mahi, e tino mohiotia ana hoki ekore rawa e ahei te whakahaere i nga tikanga i te nui o nga mahi, mehemea e penei ana te whakahaere ekore e oti te keehi kotahi i te nohoanga kotahi o te Paremete.

He Korero pai nga korero i korerotia ki te aroaro o te Komiti i runga i nga whakahaere a te page 13Kooti Whenua Maori me nga he i runga i enei tikanga whakahaero i nga Whenua Maori. E whakaaro ana ahau me perehi enei korero.

E whakaaaro ana te Komiti ko te whakahaere a nga Tiati o te Kooti Whenua Maori i runga i te tukunga o a ratou whakataunga me a ratou whakaaro i runga i aua whakataunga he mea kia kitea ai e te katoa i whakahaeretia aua tikanga i runga i te tika me te mana o te Ture, e pouri ana hoki te Komiti no te mea kahore e ahei e ratou te whakaputa i tetahi whakaaro e tika ana ranei nga korero o roto o te pitihana e he ana ranei, no te mea kahore nga Tiati i whakaputa i tetahi whakaaro i whakahe ai ratou ki te kai pitihana—me te kore huarahi whakahaere ma te Komiti.

A i runga i te mea tera e hanga tetahi Ture hei whakahere i nga take penei me whakahau i te Kawanatanga kia whakaarohia tenei take kia tirohia mehemea ekore e ahei te whakahaere i tenei keehi i rite nei ki etahi atu keehi penei e whakaarohia nei e ratou.

3 Akuhata, 1883.