[Translation.]
No. 54.—Pukapuka-inoi a Reha Aperahama me etahi atu e 26.

E ki ana nga kai-pitihana na tetahi apiha a te Kawanatanga te korero he whenua rau-patu a Tanahawaero i waenganui o Katikati me te Aroha. E whakahe ana ratou ki tenei mahi tahae.

Kua whakahaua ahau kia ki penei:—

Ko te whenua e korerotia nei e te pitihana i rau-patutia ano i te tuatahi no muri ka whakahokia ki nga Maori. Ko te rohe o te whenua rau-patu i taua wahi e whakahuatia ana ko "te tihi o te maunga." No muri ka mea te Kawanatanga kia hoko i taua piihi whenua; na ko te wahi hei hokonga i mohiotia i reira ko te wahi ano i whakahokia ki nga Maori. I te hokonga o taua wahi i whakahuatia nga rohe i roto i te pukapuka-hoko o Katikati-Te Puna. I runga i nga pukapuka kua whakatakotoria mai e te Kawanatanga, e mea ana nga Maori inaianei i mahne tetahi piihi whenua ki waho o taua rohe o te hoko, engari kaore rawa i marama te whakaatu mai a te pitihana. Tetahi he, kihai i whakahuatia ano nga kupu "te tihi o te maunga" mo te mutunga mai o te rohe i te takiwa o te hoko.