[Translation.]
No. 222.—Pukapuka-inoi a Hui Tamati me etahi atu e 29.

E ki ana nga kai-pitihana kei te riihi ratou i etahi rahui Maori i Arahura, i te wa i riro ai i a ratou aua whenua e kapi ana i te ngaherehere, a i pau a ratou moni e £20 e £50 i te eka mo te whakapai i aua wahi, he whai hoki na ratou hei kainga tuturu mo o ratou tamariki; na kaore he tikanga i roto i "Te Ture Rahui Maori, 1882," hei whakahou i a ratou riihi, ahakoa i mohiotia a te mutunga o a ratou riihi tera ano e whakahoua i runga i etahi reti tika; heoi no te mananga o te ture e kiia ake nei ka riro noa a ratou taonga i runga i era whenua. E inoi ana nga kai-pitihana me utu ranei ratou mo a ratou whakapainga me whakahou ranei a ratou riihi a te takiwa e mutu ai i runga i nga reti o naianei.

Kua whakahaua ahau kia ki penei:—

Tera ano tetahi pitihana penei me tenei (No. 47) na nga tangata o te Takiwa o Motueka kua whai-kuputia e te Komiti. E mea ana te Komiti kia tukua atu ano tenei hei whakaarohanga ma te Kawanatanga we kore e hanga he ture hgi whakatika i nga tono tika.