[Translation.]
No. 332 of 1882.—Pukapuka-inoi a Korowhiti Tutaka (Mrs. Douglas) (Nama 2).

E Korero ana te kai-pitihana i te ripoata a te komiti i te 30 o Hurae 1880, mo ruuga i ana kereme ki nga whenua i a Kapene Morete, e ki ana te kai-pitihana kaore ano kia hoatu he whenua mana e tona iwi, e inoi ana hoki ia kia whakaurua tona ingoa ki roto ki te karaati mo Poeke.

Kua whakahaua ahau kia ki penei:—

Koia nei te whakataunga a te komiti i te 30 o Hurae 1880, e korerotia nei e korowhiti Tuataka, ko enei tono a Korowhiti Tuataka (Mrs. Douglas) he tono ki tana iwi. Kua hoatu ano e ratou tetahi wahi o te whenua kia ia, e mea ana hoki kia whakawakia nga take ki etahi whenua ka hoatu ai tetahi wahi ki a ia hei whakarite mo ana mate o mua. No reira ka kore e whai kupu tenei komiti.

I runga i te ripoata a Paramena (Brabant) Komihana whenua o Tauranga, o te 4 o Akuhata, 1882, mo runga i tenei pitihana, e kitea ana kei te maharatia nga take o Korowhiti Tuataka (Mrs Douglas), kua kite hoki te komiti i te Tiwhikete, no muri katoa i te ripoata o te tau 1880, e whakaatu ana hoki i te urunga o te ingoa o Korowhiti Tuataka (Mrs. Douglas) ki enei poraka, ara, ki Wauku Nama 1, Opori Nama 1 me Oropi Nama 2. Kaore tona ingoa i uru ki te karaati mo Poeke. E ki ana te kaipitihana kaore he kereme i tukua atu mo tera. He karaati tera i whakaputaina i mua atu i te tau 1880 Kaore he whakataunga ke atu ma te komiti.