Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1882.

[Translation.] — No. 299 Pukapuka-inoi a Takerehi (G. A. Douglas.)

[Translation.]
No. 299 Pukapuka-inoi a Takerehi (G. A. Douglas.)

I Te 14 o Hurae 1868 i whakaputaina he Karauna karaati kia Hori Tupaea mo te 1,090 eka o te Moutere o Motiti, i runga i te tikanga tiaki mona me tona iwi mo" Whanu-a-Tuwhao," I riihitia taua whenua e Hori Tupaea ki te kai-pitihana i taua tau ano mo te 21 tau mo te £70 i te tau. No te tau 1874 ka tahuri te kai-pitihana ki te hoko i taua whenua whakaae ana ia ki te utu i te £1 mo te eka, e maharatia ana hoki he utu tika tera. No reira ka puta ake te raruraru i runga i te Ture, ki atu ana te roia a Takerehi (Douglas) e kore a Hori Tupaea e ahei ki te tuku atu i taua whenua. No muri iho ka kitea te tika o taua kupu i runga i te mahinga a tetahi tino roia o Akarana i tetahi mea pera ano. Ka tahi ka tuhia atu ki te Kawanatanga kia wetekina te here. No Hanuere 1878 i whakahaua e te Hiana te Minta mo te taha Maori kia tuhia atu he reta ki a Takerehi (Douglas) hei whakaatu kia ia i raro taua whenua i te tikanga tiaki, e kore hoki te Komihana kai-tiaki e whakaae kia hokona. Na i muri i te tuhinga atu o tenei kupu whakatupato kia ia tahuri tonu a Takerehi (Douglas) ki te utu moni a tae noa ki te £553. E ki ana ia i pera tana mahi notemea i mahara ia tera pea ka wetekina te here i runga i te ota a te Kaunihera a te Kawana, ka mahia ranei ki te Ture.

Kua whakahaua ahau kia kia ki penei:—

He tikanga nui rawa kei roto i tenei take, natemea he maba nga mea penei me tenei e tono nei te kai-pitihana. E mohio ana te komiti ma te hanga Ture anake e taea ai tenei, e kore e ahei te komiti te tono kia hanga he Ture mo tenei e kore nei e pa ki aua mea penei katoa.

7 Akuhata, 1882.