[Translation.]
No. 22 of 1882.—Pukapuka inoi a Wi Kepa Rangipuawhe.

E Ki ana te Kai-pitihana e whai take ana ia me tona hapu a Ngatihinewai ki te Poraka whenu o Kaingaroa. E ki ana hoki ia i weaina te whenua e Ngatimanawa i te tau 1877 a tangohia atu ana e ratou tetahi taha o te whenua kaore nei i tika kia uru ki ta rotou wea; no te tau 1878 whakataua ana e te Kooti Whakawa Whenu Maori taua whenua kia Ngatimanawa; whakaaetia ana he whakawa tuarua, no te tau 1879 whakahaua ana e te Kooti kia weaina a no te tau 1880 ka noho te Kooti ki te whiriwhiri i taua take; tonoa ana kia nekehia atu te whakawa a te Kooti natemea i te mate ta koutou Kai-pitihana raua ko Arama Mokonuiarangi engari kaore te Kooti i whakaae whakataua ana kia Ngatimanawa, no muri nei ka hokona taua whenua e te Kawanatanga. E inoi ana te Kai-pitihana kia whakawakia ano, kia hoatu ranei te £2,500—ki a ia hei utu whakarite.

Kua whakahaua ahau kia ki penei:—

I whakataua ano e te Komiti tetahi Pitihana penei me tenei i te 5 o nga ra o Hepetema, 1881. Kiia atu ana i reira me ata whiriwhiri e te Kawanatanga mehemea ranei i whaitake a Wi Kepa, kaore hoki i tukua mai he kupu whakaatu tuturu mai i te matenga o Wi Keepa. No naianei ka mohiotia he tika ano taua kupu. Na ko te mea hei rapunga ko te kimi mehemea na taua matenga ona i he ai tona taha. I runga i nga whaikorero i whakapuakina e kitea ana ko tona take i puta ke mai i runga i tona paanga kia Ngatihinewai whakahengia ana e te Kooti te take o taua hapu otira i runga i te ngaronga a Te Keepa, tera pea i mahue etahi mea whaitikanga. Me patai ano pea e te Kawanatanga, kia kitea mehemea ranei kaore he mea tika e taea. E kore e taea te whakawa tuarua, ma tetahi ture hou anake te taea ai.