[Translation.]
No. 298 of 1882.—Pukapuka-inoi a Eru Tahere me etahi atu 11.

E Korero ana mo tetahi pitihana i tukua mai i te tau 1881 mo runga i a ratou rakau i tuaina i te mahinga o te teihana wea i Manga Maru me Ninihi. E ki ana ratou e he ana te whakataunga a te Komiti i mea nei i tuaina aua rakau i runga ano i te mahi ma nga Maori, i whakaae ano a Patariki kaiwea ki te he o taua ki a te Komiti, i rongo ano te Mema Maori o te Pito ki Raro ki te kupu a Patariki. E ki ana hoki nga kai-pitihana kaore ratou i hiahia kia mahia taua teihana, engari ko nga rohe anake o, te whenua ta ratou i hiahia ai kia weaina.

Kua whakahaua ahau kia ki penei:—

I whiriwhiria ano tenei take i tera tau i runga i te pitihana a Hoterene Wi Pou me etahi atu. Kaore he kupu hou kia tae mai ki te Komiti, no reira ka rite ta ratou whakataunga ki to tera tau ara:—"I tuaina etahi rakau e Patariki i runga i te whakahaere ruri. E mahi ana te kai-wea i a ratou mahi ake ano i a nga Maori, no reira kaore e tika ta ratou tono ki te koroni.