[Translation.]
No. 73 of 1882.—Pukapuka-inoi a Petera te Pukuatua me etai atu 400.

E Whakaatu mai ana nga kai pitihana no te Arawa ratou. E korero ana ratou i te kino o te huarahi tawhito mo te whakahaere o nga whenua Maori, a e whakahua ana ano ratou i to ratou tino whakapai ki" Te ture Ngawha, 1881." Ko ta ratou inoi kia whakapumautia taua ture e huaina i runga ake nei, me kaua hoki e waiho hei ture mo te wa poto anake, engari me whakahaere ona tikanga ki runga ki taua takiwa katoa.

Kua whakahaua ahau kia ki penei:—

I runga i nga korero a tetahi Maori tino marama, ko Aporo Tipitipi, i[gap — reason: damage] penei te tikanga: (1.) He tiaki ta taua ture i nga Maori i te mea hoki he arai i nga hoko auau. (2.) He whakahaere i te tikanga makete ki te katoa. (3.) He whakakore i tenei mea i te tautohe i waenganui i nga tangata page 8no ratou to whenua me nga tangata kei a ratou nga riihi. (4.) I roto i te ture o mua i runga i te kore moni o nga Maori hei utu mo nga ruri, riro katoa ana nga whakahaere i nga pakeha hokohoko whenua no reira tipu nui ana te raruraru. (5.) Tera pea etahi wahi o taua ture e pai ana kia whaka tikatikaia engari me mahi rawa kia kitea ai. (6.) Tera etahi Kamupane whenua i naianei, me etahi atu tangata hoko whenua kei taua takiwa nei e whakaputa moni ana mo runga i nga whenua kua oti te panui; a, e wehi ana nga Maori kei whai kaha rawa aua tu tangata ki te whakaki i nga mema o te Paremete e tahuri ai ratou ki te whakakore i taua ture, ki te whakarereke rawa ranei; ko nga moni e whakaputaina ra i tukua ngarotia he mea noa iho i mohiotia ai e nga tangata e whai take nui ana ki te whenua. E mea ana te Komiti kia whakaaro nui te kawanatanga ki enei tikanga mehemea e tahuri ana ki te whakatika i" Te ture Ngawha, 1881."