Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1882.

[Translation.] — No. 97 of 1882.—Pukapuka-inoi a Henare Te Moananui me Paretene Te Manu

page 7

[Translation.]
No. 97 of 1882.—Pukapuka-inoi a Henare Te Moananui me Paretene Te Manu.

E Ki ana nga kai-pitihana i tautohe a Ngatiwhatua raua ko Ngatiwai ki te whaitaketanga ki te moutere o Hauturu, no Ngatiwai nga kai-pitihana, i whakataua a Hauturu kia Ngatiwai, engari kua ki a Ngatiwhatua e whai take ana ratou a kua tuku pitihana atu ratou ki te Kuini. E inoi ana nga kaipitihana kia whakatuturutia te whakataunga a te Kooti i whakatika ra i a ratou.

Kua whakahaua ahau kia ki penei:—

I whiriwhiria ano i tera tau e tenei Komiti te whaitaketanga ki Hauturu Moutere i runga i te pitihana a Hemara Tauhia me etahi atu tangata o Kawerau, whakataua ana i reira me tono ki te Kawanatanga kia kaha ta ratou mahi kia oti pai ai te whakarite i te tautohe mo te whaitaketanga ki taua moutere. No te 18 o Hurae taua ripoata a te Komiti. No muri tata mai i reira ka tae mai te pukapuka a te Moanaroa Kai-whakawa raua ko Te Penetana Tumuaki o nga Kai-whakawa (na raua nei i whakawa taua whenua, e rua hoki whakawakanga) kaha rawa ta raua whakahe i te mahi a Hemara Tauhia me ona hoa, e ki ana hoki he hanga noa iho a ratou kereme. I tuku pitihana ano a Ngatiwhatua ki te Kuini, engari kaore i te mohiotia e nga tari Kawanatanga te tukunga o taua pitihana, kaore hoki i te mohiotia i peheatia ranei taua pitihana. Ki te titiro inaianei e kore e rite tenei tautohe i runga i te whakataunga o te ture, a no reira ka tono atu ano te Komiti ki te Kawanatanga kia kaha tonu ta ratou mahi kia oti pai ai taua raruraru, i runga i te hoko, i runga ranei i tetahi atu huarahi.

28 Hune, 1882.