Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1882.

[Translation.] — No. 69 of 1882.—Pukapuka-inoi a Ema Maitai, Wi Terure, Porikapa Toto, me Peta Toto

[Translation.]
No. 69 of 1882.—Pukapuka-inoi a Ema Maitai, Wi Terure, Porikapa Toto, me Peta Toto.

E Ki ana nga kai-pitihana kei roto ratou i tetahi pukapuka tuhinga whakamaratanga take mo Waingaromia No. 2 i whakataua i te tau 1877, a i whakamanaia ano i te tau 1880; no Hanuere 1877 no mua atu i te ota o te kooti ka tuhi etahi o nga tangata o taua whenua i tetahi Pukapuka Hoko kia a Rapata Kupa; na Te Rokena Tiati o te Kooti i hauga tetahi ota whakapumau i taua whenua ki a Rapata Kupa; na, kaore nga kai-pitihana i tuhi i taua Pukapuka Hoko, kaore hoki ratou i hoko i o ratou paanga ki a Te Kupa, a ki ta ratou whakaaro hoki tera atu ano etahi kaore i hoko, me to ratou mohio he maha ano nga mea o roto i taua pukapuka tuhinga whakamaharatanga take e tamariki tonu ana; e whakaaturia ana ki a ratou kaore i puta katoa te moni hoko, ko te nuinga he waipiro; e ki ana ano nga kai-pitihana kaore te Pukapuka Hoko i kawea ki te aroaro o te Komihana; a, na te Paremete i paahi tetahi Ture i tera tau hei whakamana i te tuhinga a Tiati Rokena i tona ingoa; e mea ana nga kai-pitihana kaore ratou e kaha ki te kimi i te ora tika mo ratou. Heoi ka inoi nga kai-pitihana kia kaua he Karauna karaati e whakaputaina ki a Rapata Kupa a kia whakaorahia to ratou mate.

Kua whakahaua ahau kia ki penei:—

I tae mai tenei korero ki te aroaro o te Komiti i runga i te pitihana a Rapata Kupa a i whakataua i te 18 o Oketopa 1878; i whakahaua e te Komiti i reira kia whakawa tuaruatia; i te timatanga o te tau 1877 a ka whakamanaia te kupu kia whakawa tuaruatia; i tu taua whakawa tuarua i Aperira, 1880, ko Te Harete te Tiati, na whakatuturutia ana te whakataunga tuatahi a Tiati Rokena; tokotoru o nga kai-pitihana kei roto i te pukapuka tuhinga whakamaharatanga take, ara ko Ema Maitai, ko Peta Toto, me Wi Terure (ara ko Wi Turehu te ingoa i roto); i whakataua e Tiati Rokena te Karauna Karaati kia puta ki a Rapata Kupa; ko nga ingoa e toru i whakahuatia nei kei roto i te Pukapuka Tuku ki a Te Kupa; na ko te mutunga i whakaputaina e te Kawanatanga te Karauna karaati ki a Te Kupa i a Hanuere, 1882, i runga ano i te kupu whakahau a Te Kooti. Na i runga i enei take e korerotia nei e marama ana ki te Komiti i matua rawa te takiwa i tukua atu e te Kawanatanga ki nga tangata katoa e whai tikanga ana ki reira ki te rapu atu i tetahi oranga i runga i te ture, a ki te whakaaro hoki a te Komiti kaore i tu te tono a nga kai-pitihana kia whakaarohia ake ano ratou i te mea hoki i uru ratou ki te hoko. Ko te ingoa o Porikapa kaore i roto i te pukapuka tuhinga whakamaharatango take, kaore hoki i roto i te Pukapuka Hoko. Heoi kaore he kupu a te Komiti.

23 Hune, 1882.