Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of the Native Affairs Committee, 1882.

[Translation.] — No. 96 of 1882.—Pukapuka-inoi a Te Hura me etahi atu e 4

[Translation.]
No. 96 of 1882.—Pukapuka-inoi a Te Hura me etahi atu e 4.

E Whakahua ana nga kai-pitihana ki tetahi pitihana i tukua mai i tera tau mo tetahi whenua i hokona e ratou kei te pito ki raro o Whananaaki, Pe Whairangi; ko taua whenua i hokona e ratou i a Te Hoterene Tawatawa, a no muri iho ka hokona e Tipene Haari me etahi atu ki te Kawanatanga. E whakaae ana nga kai-pitihana kaore o ratou ake take tipuna ki taua whenua, heoi ano, he whenua i hokona e ratou i a Ngatiwai. E ki ana ano nga kai-pitihana kaore o ratou kainga ke atu na he tono ta ratou kia hoatu taua whenua mo ratou.

Kua whakahaua ahau kia ki penei:—

I tera Paramete i penei te whakatau a te Komiti: —"Kei te whiriwhiria e te Kawanatanga nga take o nga kai-pitihana, no reira ka tono atu te Komiti kia hohoro te whakaoti i o ratou take mehemea ra e whaitake ana." Na kua rapua e te Kawanatanga taua mea, kua kitea i hokona e Te Heringiki taua whenua i te tau 1864, na i reira tonu a Tipene Haari i te ruritanga; i tino tuturu te take o Haari i taua takiwa. No te whakahuatanga i te take o Hura i muri tata iho kihai i whakaaetia e nga rangatira. Heoi kaore he kupu ke atu a te Komiti.

21 Hune, 1882.